ەلوردادا كۇتۋشى ايەل ءۇي يەلەرىن توناپ كەتتى
بۇل تۋرالى نۇر- سۇلتان قالاسى پوليتسيا دەپارتامەنتىنىڭ باسپا ءسوز قىزمەتى حابارلادى.
«استانادا كۇتۋشى ايەل جۇمىس بەرۋشىلەردى توناپ كەتتى. پاتەردەن اقشا مەن باعالى زاتتار ۇرلانعانى تۋرالى حابارلادى. ۇيدەگى قارت اجەنىڭ كۇتىمىنە جاۋاپتى بولعان 39 جاستاعى ايەلدى ءۇي يەلەرىنىڭ جوقتىعىن پايدالانىپ، سومكەدەن، «شانەل» ماركالى بەتكە ارنالعان قىمبات جاقپاماي مەن «ەير پودس» ماركالى سىمسىز قۇلاققاپ جانە اقشا ۇرلاعان. شىعىن سوماسى 65 مىڭ تەڭگەنى قۇرادى»، - دەپ جازىلعان دەپارتامەنتتىڭ مالىمەتىندە.
دەپارتامەنتتىڭ باسپا ءسوز قىزمەتىنىڭ مالىمەتىنشە، پوليتسيا ونى ۇرلىق جاسادى دەگەن كۇدىكپەن ۇستادى.
«ۇرلىق فاكتىسى بويىنشا سوتقا دەيىنگى تەرگەۋ امالدارى جۇرگىزىلۋدە. نۇر- سۇلتان قالاسىنىڭ پوليتسيا دەپارتامەنتى ازاماتتارعا قىراعى بولۋعا جانە بەيتانىس ادامدارعا سەنبەۋگە كەڭەس بەرەدى»، - دەلىنگەن رەسمي مالىمەتتە.