پەتروپاۆلدان الماتىعا اۋە رەيسى اشىلدى

پەتروپاۆل. قازاقپارات - پەتروپاۆلدان الماتىعا اۋە رەيسى قايتا اشىلدى، ۇشاق ەكى قالا اراسىندا اپتاسىنا ەكى رەت قاتىنايتىن بولادى، دەپ حابارلايدى قازاقپارات ءتىلشىسى.

سولتۇستىك قازاقستان وبلىسى اكىمدىگىنىڭ مالىمەتىنشە، الماتى قالاسىنا العاشقى رەيس 14- قازان كۇنى اتتانادى.

Boeing ۇشاعى دۇيسەنبى جانە بەيسەنبى كۇندەرى پەتروپاۆلدان ساعات 12.10 دا شىعىپ، ەكى ساعاتتان كەيىن الماتىدا بولادى. بيلەت قۇنى - 25 مىڭ تەڭگە. ال الماتىدان پەتروپاۆلعا ءدال وسى كۇندەرى ءبىراق تاڭەرتەڭ ساعات 9.05 مينۋتتا ۇشىپ كەلەدى.

ەسكە سالايىق، قازىرگى ۋاقىتتا پەتروپاۆل حالىقارالىق اۋەجايىن سەنىمگەرلىك باسقارۋعا بەرۋ ماسەلەسى قارالۋ ۇستىندە.

بۇگىندە دەمەۋقارجى ءبولۋ ارقىلى اۋە باعىتتارىنىڭ سانى كوبەيتىلىپ جاتىر. قازىرگى ۋاقىتتا اۋە رەيستەرى نۇر-سۇلتان جانە تۇركىستان قالالارىنا بار.