قازاقستاندىقتاردىڭ باسىم بولىگى قولما-قول اقشاسىز ەسەپ ايىرىسادى

None
None
نۇر-سۇلتان. قازاقپارات - جىل باسىنان بەرى كارتوچكا ارقىلى جاسالعان ءار 10 وپەراتسيانىڭ 9 ى قولما-قول اقشاسىز جۇرگىزىلگەن، دەپ حابارلايدى قازاقپارات ءتىلشىسى.

ۇلتتىق بانكتىڭ ايتۋىنشا، قازاقستاندىقتار 2021-جىلدىڭ 8 ايىندا تولەم كارتوچكالارى ارقىلى 56,3 تريلليون تەڭگەنىڭ 4 ميلليارد وپەراتسياسىن جۇرگىزدى. ياعني، بىلتىرعى كەزەڭمەن سالىستىرعاندا كارتوچكا ارقىلى اينالىمعا تۇسكەن اقشانىڭ كولەمى 2,2 ەسە، اتقارىلعان وپەراتسيالاردىڭ سانى 2 ەسە كوپ دەگەن ءسوز.

«تولەم كارتوچكالارى ارقىلى جاسالعان 10 وپەراتسيانىڭ 9 ى قولما-قول اقشاسىز ورىندالدى. 2021-جىلدىڭ قاڭتار-تامىز ارالىعىندا تولەم كارتوچكالارىنىڭ يەلەرى 43,2 تريلليون تەڭگەگە 3,8 ميلليارد قولما-قول اقشاسىز وپەراتسيا جۇرگىزدى. بۇل 2020-جىلدىڭ وسى كەزەڭىندەگى كورسەتكىشتەردەن تيىسىنشە 2,4، جانە 2,3 ەسە اسادى»، - دەپ جازادى ۇلتتىق بانكتىڭ سايتى.

بانك ساراپتاماسىندا قولما-قول اقشاسىز وپەراتسيالار كولەمىنىڭ جالپى قۇرىلىمىندا ونلاين-وپەراتسيالاردىڭ ۇلەسى وسە تۇسكەنى ايتىلعان.

«وسى جىلدىڭ قاڭتار-تامىز ارالىعىندا قولما-قول اقشاسىز وپەراتسيالاردىڭ %67 نەمەسە 2,5 ميلليون وپەراتسيا ينتەرنەت ارقىلى نەمەسە موبيلدى قوسىمشالار ارقىلى جۇرگىزىلدى. حالىقتىڭ قولما-قول اقشاسىز وپەراتسيالارى كولەمىندە ونلاين-وپەراتسيالار ۇلەسى %83 عا دەيىن ءوسىپ، 35,9 تريلليون تەڭگە بولدى»، - دەلىنگەن ۇلتتىق بانك مالىمەتىندە.

سوڭعى جاڭالىقتار