الماتى وبلىسىنىڭ تۇرعىنى جاقىن دوسىن اتىپ ءولتىردى
وقيعا تالعار اۋدانىندا بولدى. الماتى وبلىستىق پوليتسيا دەپارتامەنتى باسپا ءسوز قىزمەتىنىڭ مالىمەتىنشە، 1- قازان كۇنى تۇنگى 01:00 شاماسىندا پوليتسياعا بەساعاش اۋىلى تۇرعىنىنىڭ جاراقاتتانعاندىعى جونىندە حابارلاما تۇسكەن.
وقيعا ورنىنا بارعان ءتارتىپ ساقشىلار مەيرامحانادا ەكى توپتىڭ اراسىندا جانجال بولعانىن انىقتاعان.
«اۋرۋحاناعا تۇسكەن 25 جاستاعى ەر ادام العان جاراقاتى سالدارىنان كوز جۇمدى. توبەلەسكەندەر وقيعا ورنىنان قاشىپ كەتكەن. جەدەل-ىزدەستىرۋ شاراسى بارىسىندا كۇدىكتى ۇستالدى. ول مەرت بولعان ازاماتتىڭ جاقىن دوسى بولىپ شىقتى. كۇدىكتى ءوز كىناسىن مويىندادى. سوزىنشە، ول قارۋدى جانجال بارىسىندا وزگەگە باعىتتاعان. ءبىراق دوسى ونى توقتاتپاق بولعان ساتتە قارۋ دوسىنا اتىلىپ كەتكەن. دوسىن اۋرۋحاناعا دەيىن جەتكىزگەن، ءبىراق ارتىنشا جاۋاپكەرشىلىكتەن قاشىپ، كەتىپ قالعان. جانجالعا قاتىسقانداردىڭ بارلىعى وقيعا ورنىنان ءىزىن سۋىتقان. ال 25 جاستاعى كۇدىكتى 12 كاليبرلى قارۋدى جۇگەرى وسەتىن ايماقتان تاۋىپ العانىن جەتكىزدى. وقيعا بولعان سوڭ ول قارۋدى وزەنگە اعىزىپ جىبەرگەن»، - دەلىنگەن ۆەدومستۆو تاراتقان حابارلامادا.
قازىر دوسىن ءولتىردى دەگەن 25 جاستاعى كۇدىكتى ۇستالىپ، قاماۋعا الىندى، تەرگەۋ جالعاسۋدا.