ۇشاقتاعى ورىندىقتار نەگە كوك ءتۇستى بولاتىنى ايتىلدى

نۇر-سۇلتان. قازاقپارات - كوپتەگەن اۋەكومپانيا ۇشاق ورىندىقتارىن كوك تۇستەن تاڭداۋى جايدان- جاي ەمەس.

بۇعان پسيحولوگيالىق سەبەپتەر دە بار. مۇنداي اقپاراتتى بريتانيالىق The Sun ۇسىندى.

«كوك ءتۇس تاڭدالۋىنىڭ باستى سەبەبى - بۇل ورگانيزمدە تىنىشتاندىراتىن حيميالىق زاتتار ءبولىپ شىعارادى، ىڭعايسىزدىق ىقتيمالدىعىن ازايتادى جانە ءال- اۋقات سەزىمىن تۋدىرادى»، - دەيدى باسىلىم ماماندارى.

وسى ماقالادا Color Psychology ۆەب- سايتىنىڭ وكىلدەرى كوك ءتۇس جۇرەك سوعۋ جيىلىگىن جانە تىنىس الۋدى تومەندەتەدى، سوندىقتان ول مەديتاتسيادا نەمەسە رەلاكساتسيادا جاقسى كومەكشى بولا الاتىنىن اتاپ وتەدى. ءتۇس سونىمەن قاتار «سەنىمدى» بولىپ سانالادى.

سوندىقتان كوك جولاۋشىلاردى تىنىشتاندىرۋى كەرەك جانە بۇل جولاۋشىلاردىڭ «بالعىن جانە سالقىن» سەزىنۋىنە كەپىلدىك بەرەدى.

سونىمەن بىرگە، باسىلىم 1970-80 -جىلدارى اۋەكومپانيالاردىڭ سالوندارعا قىزىل ورىندىقتار قويۋ ءۇردىسى بولعانىن ەسكە سالادى. ەندى ولاردان باس تارتۋ تۋرالى شەشىم قابىلداندى، ويتكەنى قىزىل تۇستەر تىتىركەنۋدى تۋدىرۋى مۇمكىن.