الماتى پوليتسياسى اۆتوبۋس جۇرگىزۋشىلەرىن قاتاڭ باقىلاۋعا الدى

None
None
الماتى. قازاقپارات - الماتىدا «اۆتوبۋس» جەدەل-الدىن الۋ شاراسى وتەدى، دەپ حابارلايدى قازاقپارات ءتىلشىسى.

الماتى قالالىق پوليتسيا دەپارتامەنتىنىڭ مالىمەتىنشە، 4-13- قازان ارالىعىندا 184 پاترۋلدىك ەكيپاج جانە 911 پوليتسيا قىزمەتكەرى جولاۋشىلار كولىگىن تەكسەرەتىن بولادى.

«بۇل شارا جولاۋشىلار تاسىمالدايتىن قوعامدىق كولىك جۇرگىزۋشىلەرىنىڭ جول قوزعالىسى ەرەجەلەرىن بۇزۋىن انىقتاۋ مەن جولىن كەسۋگە، سونداي-اق اۆتوبۋستاردىڭ تەحنيكالىق جاعدايىن تەكسەرۋگە باعىتتالعان. جۇرگىزۋشىلەردىڭ كولىكتىك ءتارتىبىن جاقسارتۋ، تەحنيكالىق اقاۋى بار نەمەسە قايتا جابدىقتالعان جولاۋشىلار كولىگىنىڭ قولدانىستا ءجۇرۋ فاكتىلەرىن انىقتاۋ جانە زاڭسىز جولاۋشىلار تاسىمالىنىڭ جولىن كەسۋ»، - دەيدى جەرگىلىكتى پوليتسيا قىزمەتى باسقارماسىنىڭ باستىعى ماناپ ساتتاروۆ.

ءىس-شارانىڭ ءبىرىنشى كۇنىندە 46 اكىمشىلىك قۇقىق بۇزۋشىلىق انىقتالدى:

29 جۇرگىزۋشى مانيەۆر جاساۋ ەرەجەلەرىن بۇزسا (ق ر ا ق ب ك- ءنىڭ 595-بابى)، 12 ءسى كولىك جۇرگىزۋ كەزىندە تەلەفون پايدالانعان (ق ر ا ق ب ك- ءنىڭ 591-بابى).

مامانداندىرىلعان ايىپ تۇراعىنا 1 قوعامدىق كولىك قويىلدى. رۇقسات ەتىلمەگەن 6 قوعامدىق كولىك پەن تاكسي ايالداماسى جويىلدى. ونىڭ ايتۋىنشا، رەيد جولدارداعى اپاتتى جاعدايلاردىڭ الدىن الۋعا كومەكتەسەدى.

«جولاۋشىلار كولىگىندەگى جازاتايىم وقيعالاردىڭ تالداۋى كورسەتكەندەي، جول-كولىك وقيعالارىنىڭ نەگىزگى سەبەپتەرى جۇرگىزۋشىلەردىڭ جول قوزعالىسى ەرەجەلەرىنىڭ تالاپتارىن ساقتاماۋى، اتاپ ايتقاندا، بەلگىلەنگەن جىلدامدىقتى اسىرۋى، قارسى جولاققا شىعۋى جانە قاشىقتىقتى ساقتاماۋى»، - دەيدى پوليتسيا وكىلى.

سوڭعى جاڭالىقتار