«سەرپىن» باعدارلاماسىنىڭ مىندەتتەمە تالاپتارى وزگەرۋى مۇمكىن

نۇر-سۇلتان. قازاقپارات - «سەرپىن» باعدارلاماسىنىڭ مىندەتتەمە تالاپتارى وزگەرۋى مۇمكىن، دەپ حابارلايدى قازاقپارات ءتىلشىسى.

بۇل تۋرالى ق ر پرەمەر-ءمينيسترىنىڭ ورىنباسارى ەرالى توعجانوۆ ءماجىلىس دەپۋتاتتارىنىڭ ساۋالىنا بەرگەن جاۋابىندا ايتىلعان.

«قازاقستان رەسپۋبليكاسىنىڭ «ءبىلىم تۋرالى» زاڭىندا ەلدەگى جوعارى جانە جوعارى وقۋ ورنىنان كەيىنگى ءبىلىم بەرۋ ۇيىمدارىن بىتىرگەننەن كەيىن وقۋ ورنى بويىنشا وڭىردە كەمىندە ءۇش جىل مىندەتتى جۇمىسپەن وتەۋ مەرزىمىن الىپ تاستاۋ كوزدەلگەن. قازىرگى ۋاقىتتا «سەرپىن» جوباسىنىڭ تۇلەكتەرىن وقۋ ايماعىنا قاراماستان، جۇمىس كۇشى جەتىسپەيتىن ايماقتاردا دايارلاۋ بولىگىندە «ءبىلىم تۋرالى» زاڭنىڭ 47-بابىنىڭ 17-تارماعىنا وزگەرىستەر ەنگىزۋ بويىنشا جۇمىس جۇرگىزىلۋدە»، - دەدى ۇكىمەت باسشىسىنىڭ ورىنباسارى.

سونداي-اق، ول «سەرپىن» جوباسىنىڭ تۇلەكتەرىنە جۇمىس كۇشى جەتىسپەيتىن بارلىق ايماقتاردا جۇمىستى وتەۋگە مۇمكىندىك بەرىلۋى مۇمكىن ەكەنىن ايتادى.

«سەرپىن» جوباسىنىڭ تۇلەكتەرىنە جۇمىس كۇشى جەتىسپەيتىن بارلىق ايماقتاردا جۇمىستى وتەۋگە مۇمكىندىك بەرۋ، اۋىلدى جەردە ەڭبەك قىزمەتىن جۇزەگە اسىراتىن «سەرپىن» جوباسىنىڭ تۇلەكتەرى ءۇشىن جۇمىس مەرزىمىن 3 جىلدان 2 جىلعا دەيىن قىسقارتۋ قاراستىرىلعان. بۇل باعىتتار بويىنشا جۇمىس جالعاسىپ جاتىر»، - دەپ جازدى ول دەپۋتتارعان بەرگەن جاۋابىندا.