ق ر ۇلتتىق بانكىنىڭ تامىز ايىنداعى قارجى نارىعىنداعى احۋالعا شولۋى
سايت تاراتقان مالىمەت بويىنشا، جىلدىق ينفلياتسيا %8,7 (2020 -جىلعى جەلتوقساندا - %7,5) دەڭگەيىندە قالىپتاستى. ينفلياتسيانىڭ قۇرىلىمىندا جىلدىق كورسەتكىش بويىنشا ازىق- تۇلىك تاۋارلارىنىڭ باعاسى %11,4 عا، ازىق-تۇلىككە جاتپايتىن تاۋارلار - %7,3 عا، اقىلى قىزمەتتەر - %6,6 عا ءوستى.
ۇلتتىق بانكتىڭ جالپى حالىقارالىق رەزەرۆتەرى 2021 -جىلعى تامىزدا، الدىن الا دەرەكتەر بويىنشا، %5,2 عا (جىلدىڭ باسىنان باستاپ %3,3 عا) ۇلعايىپ، 36,8 ميلليارد ا ق ش دوللارىن قۇرادى.
سايت مالىمەتىنە سايكەس، رەزەرۆتەردىڭ ۇلعايۋى حالىقارالىق ۆاليۋتا قورىنان ارنايى قارىز الۋ قۇقىعىن (SDR) الۋ اياسىندا ەركىن ايىرباستالاتىن ۆاليۋتاداعى اكتيۆتەردىڭ، سونداي- اق التىن پورتفەلىنىڭ وسۋىنە بايلانىستى بولدى. الدىن الا دەرەكتەر بويىنشا، ۇلتتىق قوردىڭ شەتەل ۆاليۋتاسىنداعى اكتيۆتەرىن (56,9 ميلليارد ا ق ش دوللارى) قوسا العاندا، ەلدىڭ جالپى حالىقارالىق رەزەرۆتەرى 2021 -جىلى تامىزدىڭ سوڭىندا 93,7 ميلليارد ا ق ش دوللارىن قۇرادى. اقشا بازاسى 2021 -جىلى تامىزدا ءبىرشاما ازايىپ، 10 298,2 ميلليارد تەڭگەنى قۇرادى (جىل باسىنان باستاپ %5,3 عا ۇلعايدى).
تار اقشا بازاسى، ياعني ەكىنشى دەڭگەيلى بانكتەردىڭ ۇلتتىق بانكتەگى مەرزىمدى دەپوزيتتەرىن ەسەپتەمەگەندەگى اقشا بازاسى %3 عا 6 300,2 ميلليارد تەڭگەگە دەيىن (جىل باسىنان باستاپ - %23,8 عا) كەڭەيدى. 2021 -جىلعى تامىزدا اقشا
ماسساسى %0,6 عا ازايىپ، 28 056,2 ميلليارد تەڭگە بولدى (جىل باسىنان باستاپ %12,6 عا ءوستى)، اينالىمداعى قولما-قول اقشا %0,7 عا، 3 014,5 ميلليارد تەڭگەگە دەيىن ازايدى (جىل باسىنان باستاپ %6,6 عا ءوستى).