21:35, 28 - قىركۇيەك 2021 | GMT +6
ق ر پرەزيدەنتى باشقۇرتستان باسشىسىن قابىلدادى
نۇر-سۇلتان. قازاقپارات - قازاقستان پرەزيدەنتى باشقۇرتستان رەسپۋبليكاسىنىڭ باسشىسى رادي حابيروۆتى قابىلدادى، دەپ حابارلايدى قازاقپارات اقورداعا سىلتەمە جاساپ.
قاسىم-جومارت توقايەۆ قازاقستان مەن رەسەيدىڭ ستراتەگيالىق ىنتىماقتاستىعى ەكى ەل ايماقتارىنىڭ اراسىنداعى ىقپالداستىقتى كەڭىنەن قامتىپ وتىرعانىن اتاپ ءوتتى.
مەملەكەت باسشىسى باشقۇرتستان رەسپۋبليكاسىمەن جان-جاقتى بايلانىستارىمىز پاندەمياعا قاراماستان جاڭا مازمۇنمەن دامىپ كەلە جاتقانىنا توقتالدى.
كەزدەسۋدە بىرلەسكەن كاسىپورىندار سانىنىڭ ارتىپ، مۇناي-حيميا، اۋىل شارۋاشىلىعى، مەتاللۋرگيا جانە جەڭىل ونەركاسىپ جانە تاعى باسقا سالالاردا ينۆەستيتسيالىق جوبالاردىڭ جۇزەگە اسىرىلۋى تۋرالى ايتىلدى.