+7 (701) 759 90 19
USD 425.78 EUR 494.08
RUB 5.98 CNY 66.23
جاڭالىقتار

ماۋلەن اشىمبايەۆ باشقۇرتستان باسشىسىمەن كەزدەستى

28 قىركۇيەك 21:31
:ءبولىسۋ
ماۋلەن اشىمبايەۆ باشقۇرتستان باسشىسىمەن كەزدەستى

نۇر-سۇلتان. قازاقپارات - سەنات ءتوراعاسى ماۋلەن اشىمبايەۆ رەسەي فەدەراتسياسى باشقۇرتستان رەسپۋبليكاسىنىڭ باسشىسى رادي حابيروۆپەن كەزدەستى، دەپ حابارلايدى قازاقپارات جوعارى پالاتانىڭ باسپا ءسوز قىزمەتىنە سىلتەمە جاساپ.

ءوز سوزىندە سەنات سپيكەرى قازاقستان ءۇشىن رەسەي فەدەراتسياسى وداقتاس جانە ستراتەگيالىق سەرىكتەس مەملەكەت ەكەنىن اتاپ ءوتتى.

ەكى ەل اراسىندا ءوزارا تۇسىنىستىك پەن سەنىمگە نەگىزدەلگەن قارىم-قاتىناس ورناعانىن تىلگە تيەك ەتكەن ماۋلەن اشىمبايەۆ وسىعان بايلانىستى باشقۇرتستان رەسپۋبليكاسىمەن ساۋدا-ەكونوميكالىق، مادەني-گۋمانيتارلىق جانە ساياسي باعىتتاردا ەكىجاقتى ىنتىماقتاستىقتى ودان ءارى نىعايتا ءتۇسۋدىڭ ماڭىزدى ەكەنىنە نازار اۋداردى.

«ءبىزدىڭ ەلدەرىمىز اراسىندا دەپۋتاتتىق كورپۋس دەڭگەيىندە ىنتىماقتاستىقتىڭ بارلىق باعىتى بويىنشا تۇراقتى ديالوگ ورنادى. رەسەي فەدەرالدى جينالىسى فەدەراتسيا كەڭەسىنىڭ ءتورايىمى ۆالەنتينا ماتۆيەنكونىڭ قازاقستانعا رەسمي ساپارى كەزىندە ەكى ەلدىڭ پارلامەنتارالىق ءوزارا ءىس-قيمىلىن ءارى قاراي بەلسەندى تۇردە دامىتۋ جونىندە كەلىسكەن ەدىك. فەدەرالدى جينالىسى فەدەراتسيا كەڭەسىنە باشقۇرتستاننىڭ اتىنان سايلانعان دەپۋتاتتارى ءبىزدىڭ بىرلەسكەن كوميسسيانىڭ جۇمىسىنا نەمەسە پارلامەنتتەرىمىزدىڭ ەكى پالاتاسى اياسىنداعى باسقا دا ءىس-شارالارعا بەلسەندى قاتىسا الادى»، - دەدى ماۋلەن اشىمبايەۆ.

كەزدەسۋ سوڭىندا سەنات ءتوراعاسى دوستىققا نەگىزدەلگەن قازاق-باشقۇرت قارىم-قاتىناسى ەكى حالىقتىڭ ورتاق تاريحي جەتىستىگى جانە ورتاق مۇددەلەردى قامتيتىن باعىتتارداعى تابىستى سەرىكتەستىكتىڭ بەرىك ىرگەتاسى ەكەنىن ايتتى.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات