چەمپيوندار ليگاسى: بۇگىن توپتىق كەزەڭىنىڭ ەكىنشى تۋرى باستالادى
العاشقى تۋر ويىندارى ەكى كۇنگە بەلگىلەنگەن.
بۇگىن، 28- قىركۇيەكتە A ، B ، C، D توپتارىندا ويىندار وتكىزىلەدى.
بۇگىن جانكۇيەرلەر نەگىزىنەن «پاري سەن-جەرمەن» (فرانسيا) جانە «مانچەستەر سيتي» (انگليا) كەزدەسۋىنە كوز تىگەدى.
العاشقى تۋردا فرانسۋزدار بەلگيانىڭ «بريۋگگە» كومانداسىمەن 1:1 ەسەبىمەن تەڭ تۇسسە، اعىلشىندار گەرمانيانىڭ «لەيپتسيگ» كومانداسىن 6:3 ەسەبىمەن ءسۇرىندىردى.
اتالعان ويىن ەلوردا ۋاقىتىمەن 00:50 دە باستالىپ، تىكەلەي ەفيردە «Qazaqstan» تەلەارناسىنان كورسەتىلەدى.
سونداي-اق، بۇل توپتا «لەيپتسيگ» پەن «بريۋگگە» كوماندالارى شەبەرلىك بايقاسادى.
قازاقستاندىق جانكۇيەرلەر «Qazsport» تەلەارناسىنان تىكەلەي ەفيردە ەلوردا ۋاقىتىمەن 22:35 تە D توبىنداعى «شاحتەر» (ۋكراينا) مەن «ينتەر» (يتاليا)، 00:50 دە B توبىنداعى «ميلان» (يتاليا) مەن «اتلەتيكو مادريد» (يسپانيا) ويىندارىن تاماشالاي الادى.
بۇگىن D توبىنداعى «رەال مادريد» (يسپانيا) پەن «شەريف» (مولدوۆا)، B توبىنداعى «پورتۋ» (پورتۋگاليا) جانە «ليۆەرپۋل» (انگليا) كەزدەسۋلەرى وتەدى.
تاعى ايتا كەتەرلىگى، ەلوردا ۋاقىتىمەن 00 : 50 دە C توبىندا «اياكس» (نيلەرلاندى) پەن «بەشيكتاش» (تۇركيا)، «بورۋسسيا دورتمۋند» (گەرمانيا) پەن «سپورتينگ» (پورتۋگاليا) ويىندارى بولادى.
ال 29 - قىركۇيەكتە E ، F، G، H توپتارىنداعى كوماندالار ەكىنشى تۋر كەزدەسۋىن وتكىزەدى.