يلون ماسك تاعى دا الەمنىڭ ەڭ باي ادامى اتاندى

نۇر- سۇلتان. قازاقپارات - Tesla جانە SpaceX كومپانيالارىنىڭ نەگىزىن قالاۋشى يلون ماسك Forbes قۇراستىراتىن قازىرگى ۋاقىتتاعى الەمدەگى ەڭ باي ادامداردىڭ رەيتينگىندە كوش باستادى، دەپ حابارلايدى قازاقپارات.

ماسكتىڭ داۋلەتى 200 ميلليارد دوللاردان اسىپ، نارىقتار جابىلعان كەزدە 203,4 ميلليارد دوللاردى قۇرادى. رەيتينگىدە ەكىنشى ورىندا Amazon-نىڭ نەگىزىن قالاۋشى دجەفف بەزوس تۇر. ونىڭ بايلىعىن Forbes 197,7 ميلليارد دوللارعا باعالادى. تىزىمدەگى ءۇشىنشى ورىندا 175,2 ميلليارد دوللارلىق داۋلەتى بار Louis Vuitton يەسى بەرنار ارنو تۇر.

قاڭتاردا ماسك بەزوستى باسىپ وزىپ ەدى، الايدا ول ءبىرىنشى ورنىن ساقتاپ قالا الماعان بولاتىن. Forbes اتاپ وتكەندەي، ماسكتىڭ داۋلەتى Tesla اكسيالارىنىڭ تۇراقتى وسۋىنەن كەيىن ارتتى. ولار % 2- عا قىمباتتاپ، 2021 -جىلدىڭ اقپان ايىنان باستاپ جابىلعان كەزدەگى ەڭ جوعارى باعاسىنا - 791,36 دوللارعا جەتتى.