+7 (701) 759 90 19
USD 426.32 EUR 496.24
RUB 6.04 CNY 66.74
جاڭالىقتار

قارجىلىق مونيتورينگ اگەنتتىگى ەلجان ءبىرتانوۆ ىسىنە قاتىستى تۇسىنىكتەمە بەردى

28 قىركۇيەك 18:41
:ءبولىسۋ
قارجىلىق مونيتورينگ اگەنتتىگى ەلجان ءبىرتانوۆ ىسىنە قاتىستى تۇسىنىكتەمە بەردى

نۇر- سۇلتان. قازاقپارات - ق ر قارجىلىق مونيتورينگ اگەنتتىگى بۇرىنعى دەنساۋلىق ساقتاۋ ءمينيسترى ەلجان ءبىرتانوۆتىڭ ىسىنە قاتىستى تۇسىنىكتەمە بەردى، دەپ حابارلايدى قازاقپارات ءتىلشىسى.

«بۇرىنعى دەنساۋلىق ساقتاۋ ءمينيسترى ە. ءبىرتانوۆقا قاتىستى قىلمىستىق ىستكە قاتىستى اگەنتتىكتىڭ تۇسىنىكتەمەسىنىڭ نەلىكتەن جوق ەكەندىگىنە قاتىستى ب ا ق وكىلدەرىنەن ساۋالنامالار ءتۇسىپ جاتىر. قىلمىستىق- پروتسەستىك كودەكستىڭ 201-بابىنا سايكەس سوتقا دەيىنگى بۇل تەرگەۋ جاريا ەتۋگە جاتپايتىنىن جانە پروكۋروردىڭ كەلىسىمىمەن عانا مالىمەتتەردىڭ جاريا ەتىلۋى مۇمكىن ەكەنىن حابارلايمىز. ايتا كەتەرلىگى، اتالعان تەرگەۋگە قاتىستى مالىمەتتەردى جاريا ەتپەۋ تالابى تەرگەۋ ورگاندارىمەن قاتار قورعاۋشى تاراپقا دا قاتىستى. سوندىقتان، ءادىل بولۋ ءۇشىن اگەنتتىك قىلمىستىق ءىستىڭ جاي- جاپسارىنا تۇسىنىكتەمە بەرمەيدى. ىسكە قاتىستى فيگۋرانتتىڭ كىنالى نە كىناسىز ەكەندىگىن كونستيتۋتسيانىڭ 77- بابىنىڭ 3-تارماعىنا سايكەس سوت قانا ايقىنداي الادى»، - دەدى ق ر قارجىلىق مونيتورينگ اگەنتتىگىنىڭ رەسمي وكىلى گاۋھار ساپاربايەۆا.

ونىڭ اتاپ وتۋىنشە، وسى جىلدىڭ شىلدە ايىندا اگەنتتىك بۇرىنعى دەنساۋلىق ساقتاۋ ءمينيسترى ءبىرتانوۆ پەن ونىڭ ورىنباسارى ابىشيەۆكە قاتىستى سوتقا دەيىنگى تەرگەۋ امالدارىن اياقتاعان. «ءبىرتانوۆ پەن ابىشيەۆ دەنساۋلىق ساقتاۋ مينيسترلىگىنىڭ جۇمىس ىستەمەيتىن اقپاراتتاندىرۋ پلاتفورماسىن قابىلداۋ جانە پايدالانۋ ارقىلى لاۋازىمدىق وكىلەتتىگىن اسىرا قولدانۋ كۇدىگىنە ىلىگىپ وتىر. پلاتفورما دەنساۋلىق ساقتاۋ جۇيەسىندەگى پروبلەمالاردى جەدەل شەشۋ ءۇشىن پاتسيەنتتەر، ءدارى- دارمەك جانە مەديتسينالىق بۇيىمدار تۋرالى بارلىق اقپاراتتى بىرىكتىرۋى ءتيىس بولاتىن. پلاتفورما ەش ۋاقىتتا جۇمىس ىستەمەگەن جانە مەديتسينا ۇيىمدارى ونى قولدانبايدى. بۇل جيناقتالعان دايەكتەرمەن دالەلدەنىپ وتىر. ورىندالماعان جۇمىس قۇنى - 4,1 ميلليون دوللار نەمەسە 1,5 ميلليارد تەڭگە»، - دەدى رەسمي وكىل.

سونىمەن قاتار گاۋھار ساپاربايەۆا ە. ءبىرتانوۆتىڭ 22- شىلدەدە سانيتارلىق اۆياتسيا ۇشاعىن جەكە ماقساتتا قولدانۋ ارقىلى لاۋازىمىن اسىرا پايدالانۋ كۇدىگىنە ىلىگىپ وتىرعانىن ايتادى.

اۆتور: مارلان جيەمباي



:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات