+7 (701) 759 90 19
USD 425.37 EUR 492.66
RUB 5.97 CNY 66.15
جاڭالىقتار

سەرىك ءابىل ۇلى حالىقارالىق ديكتورلار بايقاۋىنىڭ باس جۇلدەسىن جەڭىپ الدى

28 قىركۇيەك 15:30
:ءبولىسۋ
سەرىك ءابىل ۇلى حالىقارالىق ديكتورلار بايقاۋىنىڭ باس جۇلدەسىن جەڭىپ الدى

نۇر-سۇلتان. قازاقپارات - اقپان ايىنان بەرى جالعاسقان قازاق راديوسىنىڭ ءجۇز جىلدىعىنا وراي ۇيىمداستىرىلعان «انۋاربەك بايجانبايەۆ اتىنداعى حالىقارالىق ديكتورلار» بايقاۋى بۇگىن مارەسىنە جەتتى، دەپ حابارلايدى قازاقپارات ءتىلشىسى.

28-قىركۇيەكتە قورىتىندىلانعان بايقاۋعا 150 دەن استام ءوتىنىش (اۋديوجازبا) كەلىپ ءتۇستى. سونىڭ 80 گە جۋىعى ەفيرگە بەرىلگەن. ۇيىمداستىرۋشىلاردىڭ ايتۋىنشا، بايقاۋ پروزالىق شىعارما، پوەزيا، اقپاراتتىق ءماتىن وقۋ نوميناتسيالارى بويىنشا ءوتتى. اتالعان بايگەدە ديكتور سەرىك ءابىل ۇلى باس جۇلدەنى جەڭىپ الدى.

اتالمىش شارادا جۇلدەگە تەك ءبىر عانا ورىن بەلگىلەنگەن.

بۇل تۋرالى قازاق راديوسىنىڭ «قايىرلى تاڭ» حابارىندا «كوركەم ءسوز شەبەرى» حابارىنىڭ جۇرگىزۋشىسى قىمبات دوسجان جاريالاعان بولاتىن.

«بۇگىن قازاق راديوسىنىڭ «قايىرلى تاڭ» حابارىندا تىكەلەي ەفيردە جەڭىمپازدىڭ اۋديو جازباسىن بەرىپ، وقۋشىنىڭ اتىن اتادىم. سودان كەيىن سەرىك ابىلمەن تەلەفون ارقىلى سويلەستىم. ل. ن. گۋميلەۆ اتىنداعى ەۋرازيا ۇلتتىق ۋنيۆەرسيتەتىندە 30-قىركۇيەك كۇنى اشىلاتىن قازاق راديوسىنىڭ اۋديتورياسىندا جەڭىمپازدى شاقىرىپ، ماراپاتتايمىز»، - دەيدى بەلگىلى تەلەجۋرناليست قىمبات دوسجان.

ءادىلقازى كوميسسياسىنىڭ نەگىزگى مۇشەلەرى - امانجان سەرىكوۆ، ساۋىق جاقانوۆا، كۇلاش مولداحمەتوۆا، مۇحامەدالى بولات ۇلى جانە قىمبات دوسجان.

ايتا كەتەيىك، سەرىك ءابىل ۇلى - قىتايداعى قازاق راديوسىندا ۇزاق جىلدار قىزمەت ەتىپ، سول ەلدەگى قانداستاردىڭ مادەنيەتىنە ەلەۋلى ۇلەس قوسقان تۇلعانىڭ ءبىرى. ول قازاقتىڭ تاڭداۋلى 50 ءانىن قىتاي تىلىنە اۋدارتىپ، ۇلتىمىزدىڭ كەڭ تاراعان 500 كۇيى مەن 200 حالىق ءانىن تاسپاعا تۇسىرگەن. وننان استام كىتاپتىڭ، 100 گە جۋىق ءان ءماتىنى مەن كوپتەگەن ءاننىڭ اۆتورى، راديو ەفيرىندە 30 عا تارتا رومان وقىعان تانىمال ديكتور، اقىن، ءانشى، سازگەر.

اۆتور: بەيسەن سۇلتان ۇلى



:ءبولىسۋ
پئكئر قالدئرؤ
+7
جئبةرؤ
سونداي-اق... وقىڭىز
ونلاين قىزمەتكەرلەر
رەداكتور
ريزابەك نۇسىپبەك
ريزابەك نۇسىپبەك
954-049

مۇراعات