الەكسەي سوي قازاقستاندىقتاردى تۇماۋعا قارسى ەكپە الۋعا شاقىردى
«كۇز كەلىپ كۇن سۋىتا باستاعاندا يممۋنيتەتتىڭ تومەندەي باستايتىنىن بىلەمىز. بۇل - قالىپتى جاعداي. وسى كەزەڭدە سالاۋاتتى ءومىر سالتىن ۇستانىپ، سپورتپەن شۇعىلدانۋ جانە كوكونىس پەن جەمىس- جيدەكتى كوبىرەك جەۋ وتە ماڭىزدى. سونىمەن قاتار يممۋنيتەتتى قورعاۋ مەن سۋىقتان ساقتاۋدىڭ تاعى ءبىر جولى - ۋاقىتىلى ەكپە الۋ. قازىر ەلىمىزدە تۇماۋعا قارسى جاپپاي ۆاكسيناتسيا ءجۇرىپ جاتىر. اسىرەسە تۇماۋعا قارسى ەكپە الۋدى وسال توپقا جاتاتىن ازاماتتار اراسىندا كەڭىنەن جۇرگىزۋ ماڭىزدى بولىپ وتىر. وسى ورايدا ەلىمىزدىڭ بارلىق ازاماتتارىن تۇماۋعا قارسى ۆاكتسينا الۋعا شاقىرامىن»، - دەدى ا. سوي ۇكىمەت ۇيىندە ونلاين وتكەن باسپا ءسوز ءماسليحاتىندا.
بۇعان دەيىن مينيستر ەلىمىزدە ۆاكسينا الۋ پروتسەسى قارقىندى ءجۇرىپ، ەپيدجاعدايدىڭ جاقسارىپ كەلە جاتقانىن مالىمدەدى. سونداي- اق، ۆەدومستۆو باسشىسى قازاقستاندا كوروناۆيرۋس ىندەتىمەن كۇرەستە قايتا ۆاكسينالاۋ ماسەلەسى قارالىپ جاتقانىن ايتتى. ونىڭ ايتۋىنشا، رەكۆاكسيناتسيا ماسەلەسىن قاراۋ ءۇشىن قۇرامىندا عالىمدار مەن سالا ماماندارى بار ارنايى جۇمىس توبى قۇرىلعان.