شەكارادا تۇرىپ قالعان پويىزدار: «قازاقستان تەمىر جولى» ەكسپورتتاۋشىلارمەن كەزدەستى
بيىلعى تامىز ايىنىڭ ورتاسىنان باستاپ ق ح ر الاتاۋ ستانسياسى قىزمەتكەرلەرى اراسىندا Covid-19 اۋرۋىنىڭ جاڭا جاعدايلارى انىقتالعاننان كەيىن پويىزداردى قابىلداۋدى تاۋلىگىنە 18-دەن 7-8 قۇرامعا دەيىن تومەندەتتى. قىتاي جاعى تەك كونتەينەرلىك پويىزداردى شەكتەۋسىز قابىلدايدى. سونىمەن قاتار، قىتاي ستانسياسىندا جوندەۋ جۇمىسى ءجۇرىپ جاتىر. بۇل پويىزداردى قابىلداۋ مەن وتكىزۋدى ازايتىپ وتىر. سالدارىنان جۇكتەر ءبۇلىنىپ، قازاقستاندىق ەكسپورتتاۋشىلار شىعىنعا ۇشىراپ، قوزعالىستان قالعان پويىزدار سانى ءوسىپ وتىر.
26- قىركۇيەكتەگى جاعداي بويىنشا دوستىق ستانسياسى باعىتىندا 106 پويىز نەمەسە 5300 ۆاگون جولدا تۇرىپ قالعان. بۇل رەتتە قازاقستاندىق تەمىرجولشىلار ق ح ر- دان پويىزداردى بەلگىلەنگەن مەرزىمدە جانە كولەمدە قابىلداۋدا.
«ق ح ر جۇك كولەمى جوسپارىن شەكتەمەۋگە كەلىسەدى، ءبىراق ءىس جۇزىندە جۇك تەك كونتەينەرلەردە قابىلدانادى. استىق تاسىعىشتاردا جانە جابىق ۆاگونداردا استىق جۇكتەرىنىڭ تۇرىپ قالۋى جاعدايى ەرەكشە الاڭداۋشىلىق تۋعىزادى. ءبىز ءتۇرلى ۆەدومستۆولارعا جۇگىندىك. الايدا تەحنولوگيالىق پروتسەسس كەشىكتىرىلىپ جاتىر»، - دەدى ورالحان كۋلاكوۆ.
كونفەرەنسيا بارىسىندا «ق ت ج» ۇ ك» ا ق ەكسپورتتاۋشىلارعا جۇكتەردى كونتەينەرلەرگە بەلسەندى تيەۋدى، جۇكتى دوستىق ستانسياسىنان التىنكول- قورعاس شەكارا وتكەلىنە قايتا باعدارلاۋدى، باسقا باعىتتارعا باعىتتاۋدى ۇسىندى. تەمىرجولشىلار سونداي- اق، ماسەلەنى بىرلەسىپ شەشۋ ءۇشىن بيزنەسكە قىتايلىق الۋشىلارمەن جۇك تاسىمالداۋ ماسەلەلەرىن قاتارلاسا پىسىقتاۋ قاجەت ەكەنىن ءتۇسىندىردى.
ءوز كەزەگىندە جۇك جونەلتۋشىلەر ءوز ماسەلەلەرى تۋرالى ايتىپ، تىڭدايتىن جەرىنە جەتكىزدى. اتاپ ايتقاندا، ەكسپورتتاۋشىلار ق ح ر شەكاراسىندا ۆاگونداردىڭ تۇرىپ قالۋىنا بايلانىستى ايىپپۇل سانكسيالارى سالىنۋى مۇمكىندىگى تۋرالى سۇراقتارىن قويدى. ورالحان كۋلاكوۆ جۇك جونەلتۋشى پروبلەمامەن جالعىزدان جالعىز قالمايتىنىنا سەندىردى:
«سىزدەرمەن بىرگە ءبىز ق ح ر جۇكتەردى قابىلداماعانىن، سوندىقتان دا ۆاگوندار تۇرىپ قالۋدا ەكەندىگىن دالەلدەيمىز جانە راستايمىز». كونفەرەنسيا ۇيىمداستىرۋشىلارى سەندىرگەندەي، ەكسپورتتاۋشىلار ماسەلەسى تەمىر جول باسشىلىعىنىڭ ەرەكشە باقىلاۋىندا. كەزدەسۋ سوڭىندا جۇك جونەلتۋشىلەر ءار سەيسەنبى سايىن «ق ت ج» ۇ ك» ا ق الاڭىندا ءداستۇرلى قىتايلىق تەمىرجولشىلارمەن بەينەكونفەرەنس بايلانىس فورماتىنداعى وتەتىن كەڭەسكە قاتىسۋعا شاقىرىلدى.