زەرەندى اۋدانىندا وتباسىلىق دەمالىس ورنى اشىلدى
دەپ حابارلايدى قازاقپارات ءتىلشىسى اقمولا وبلىستىق ىشكى ساياسات باسقارماسىنا سىلتەمە جاساپ.
ۆەدومستۆونىڭ مالىمەتىنشە، نىسانعان سالىنعان ينۆەستيتسيانىڭ جالپى كولەمى شامامەن 60 ميلليون تەڭگەنى قۇرادى، ونىڭ 9 ميلليون تەڭگەسى «بيزنەستىڭ جول كارتاسى-2050» باعدارلاماسى بويىنشا جۇزەگە اسىرىلعان.
«تۋريستىك نىساننىڭ باستى باعىتى- ەكولوگيالىق تازا اۋداندا وتباسىلىق دەمالىس ۇيىمداستىرۋ. دەمالىس ورنىنداعى ەكى جانە ءتورت ورىندىق بولەك تۇرعان ۇيلەردە تۋريستەر ءۇشىن 28 توسەك- ورىن بار»، - دەيدى ۆەدومستۆودان.
زەرەندى اۋىلىنىڭ «زەرەن» ساياجاي كەنتىندە ورنالاسقان تۋريستىك نىساننىڭ يەسى رۋسلان اسىلبەكوۆتىڭ ايتۋىنشا، مۇندا وتباسىمەن كەلىپ دەمالاتىندارعا بارلىق جاعداي جاسالعان.
«دەمالۋشىلار ءۇشىن فۋتبول الاڭى، بامپەربول الاڭى بار، سونىمەن بىرگە، مونشا دا قاراستىرىلعان. Danel تۋريستىك نىسانىندا ءتورت جاڭا جۇمىس ورنى اشىلدى. ولاردىڭ ورتاشا ەڭبەكاقىسى 150 مىڭ تەڭگەنى قۇرايدى»، - دەپ اتاپ ءوتتى كاسىپكەر رۋسلان اسىلبەكوۆ.
اۆتور: اسلان وسپانوۆ