قازاقستاندا ۆاكسينا سالىنۋى ءتيىس بالالاردىڭ جاس ارالىعى پارامەترلەرى وزگەرە مە
«Pfizer ۆاكسيناسىن (قازاقستانعا) بيىلعى ءتورتىنشى توقساندا جەتكىزۋ جوسپارلانعان. كومپانيامەن ءتيىستى كەستە ناقتىلانعاننان كەيىن، ءبىز جەتكىزۋ مەرزىمىن جاريالايمىز. ۆاكسينالاۋمەن قامتىلۋى ءتيىس تۇرعىندارعا توقتالساق، ياعني جاس ارالىعى كاتەگورياسى جايىندا ايتاتىن بولساق، قازىرگى كەزدە ەلىمىزدە Pfizer كومپانياسى مالىمدەگەن تىركەۋ كۋالىگى مەن نۇسقاۋلىقتا 12 جاستاعى جانە ودان جوعارى جاستاعى بالالارعا اتالعان ۆاكسينانى سالۋعا بولادى. الايدا بۇل ۆاكسينا ەرىكتى تۇردە جانە اتا- انانىڭ كەلىسىمىمەن عانا سالىنادى»، - دەدى ا. سوي ۇكىمەتتەگى ونلاين باسپا ءسوز ءماسليحاتىندا.
سونىمەن قاتار ول ۆاكسينا قويىلاتىن بالالاردىڭ جاس ارالىعى بويىنشا پارامەترلەردى وزگەرتۋ مۇمكىندىگى تۋرالى ايتىپ بەردى.
«جاس ارالىعىن وزگەرتۋگە توقتالساق، وسى كلينيكالىق سىناقتار جۇرگىزىلگەن ەلدەردىڭ رەتتەۋشىلەرىمەن اتالعان زەرتتەۋلەر بەكىتىلسە، سونداي- اق رەسمي سيپاتتاما الساق، اتالعان قادامداردى قاراستىرۋىمىز مۇمكىن. قازىرگى كەزدە تىركەۋ كۋالىگىنە سايكەس، 12 جاستان باستاپ ۆاكسينا الۋعا رۇقسات بار»، - دەدى الەكسەي سوي.
ەسكە سالا كەتەيىك، بيىل قىركۇيەك ايىندا گەرمانيالىق BioNTech كومپانياسى مەن ونىڭ امەريكالىق ارىپتەسى Pfizer وندىرگەن 5-11 جاس ارالىعىنداعى بالالارعا ارنالعان كوروناۆيرۋسقا قارسى ۆاكسينا بىرنەشە اپتانىڭ ىشىندە پايدالانۋعا بەرىلۋى مۇمكىن ەكەنى حابارلانعان ەدى.
اۆتور: رۋسلان عابباسوۆ