قازاقستاندا بالا سانىنا قاراماي تەڭدەي جاردەماقى بەرۋ ماسەلەسى كوتەرىلدى

نۇر- سۇلتان. قازاقپارات - ەلىمىزدە كوپبالالى انالارعا ارنالعان جاردەماقىنى بارىنە بىردەي بەرۋ ماسەلەسى كوتەرىلدى، دەپ حابارلايدى قازاقپارات ءتىلشىسى.

«ەلىمىزدە كوپبالالى انالاردىڭ وتباسىلىق تابىسىنا قاراماستان ءار بالا ءۇشىن 4 اەك كولەمىندە جاردەماقى تولەۋ ەنگىزىلدى. ەندىگى ۋاقىتتا اتالعان جاردەماقىنى بالا سانىنا قاراماي بارلىق انالارعا بىردەي تولەۋ ماسەلەسى قوزعالىپ جاتىر. وسى ورايدا مينيسترلىكتىڭ ۇستانىمى قانداي؟» دەپ ساۋال جولدادى.

«ەلىمىزدە انا مەن بالانى قورعاۋ باعىتىندا قابىلدانعان كەشەندى شارالار بار. بۇگىنگى كۇنى انالارعا مەملەكەت تاراپىنان تولەم جۇكتىلىك جانە بوسانعان كەزدە بەرىلەدى. سونداي- اق، تۋعاننان كەيىن بالا كۇتىمى بويىنشا 1 جىل بويى تاعايىندالادى. جانە بۇل جاردەماقى بارلىعىنا بىردەي تولەنەدى. كوپبالالى انالار ماسەلەسىنە كەلسەك، وتكەن جىلى 4 جانە ودان دا كوپ بالاسى بار انالارعا جاردەماقى تولەۋ جۇيەسى ەنگىزىلدى. ونى ەنگىزۋدە ەكى نەگىزگى سەبەپ بار. بىرىنشىدەن، ەلىمىزدە بالا تۋۋدى ىنتالاندىرۋ ماقساتىندا. ايتا كەتەر بولساق، 2019 -جىلى قازاقستاندا كوپبالالى انا سانى 252 مىڭ بولسا، وتكەن جىلى ول كورسەتكىش 428 مىڭعا جەتتى. ءبىر جىل ءۇشىن ايتارلىقتاي جاقسى كورسەتكىش. ەكىنشى سەبەپ، كوپبالالى وتباسىلاردىڭ تابىسىن ارتتىرۋ ماقساتىندا تاعايىندالىپ وتىر»، - دەدى ق ر ەڭبەك جانە حالىقتى الەۋمەتتىك قورعاۋ ءمينيسترى سەرىك شاپكەنوۆ ءوز جاۋابىندا.

سونداي- اق، مينيستر اتالعان جاردەماقىنىڭ تەك كوپبالالى وتباسىلارعا ارنالعانىن باسا ايتىپ، بارلىق اناعا تەڭدەي جاردەماقى تولەۋ مينيسترلىك جوسپارىندا جوق ەكەنىن جەتكىزدى.

اۆتور: ءالي يبرايەۆ