+7 (701) 759 90 19
USD 426.32 EUR 496.24
RUB 6.04 CNY 66.74
جاڭالىقتار

مۇعالىمدەردى ساناق جۇمىستارىنا تارتقاندار جازالانادى - ءبىلىم ءمينيسترى

27 قىركۇيەك 18:59
:ءبولىسۋ
مۇعالىمدەردى ساناق جۇمىستارىنا تارتقاندار جازالانادى - ءبىلىم ءمينيسترى

نۇر-سۇلتان. قازاقپارات - مۇعالىمدەردى ساناق جۇمىستارىنا تارتقاندار ءتيىستى جازاسىن الادى.

بۇل تۋرالى ءبىلىم جانە عىلىم ءمينيسترى اسحات ايماعامبەتوۆ ايتتى، دەپ حابارلايدى قازاقپارات ءتىلشىسى.

ۇكىمەتتە وتكەن ونلاين باسپا ءسوز ءماسليحاتىندا مەكتەپ مۇعالىمدەرىن ساناق جۇرگىزۋگە جۇمىلدىرۋعا قاتىستى شاعىمدار تۋرالى سۇراق قويىلدى.

ءوز كەزەگىندە ا. ايماعامبەتوۆ ساناق جۇرگىزۋ مەن باسقا دا ماسەلەلەر مۇعالىمگە ءتان ەمەس جۇمىس بولعاننان كەيىن، ونداي تاپسىرما بەرۋگە ەشكىمنىڭ قۇقىعى جوق ەكەنىن ايتتى.

سوندىقتان بۇل ماسەلەگە قاتىستى راستالاتىن فاكتىلەر بولسا، وندا زاڭ جۇزىندە ءتيىستى جازاسى بار.

«پەداگوگتار مارتەبەسى تۋرالى» زاڭعا سايكەس، ءتيىستى ايىپپۇل ەسكەرىلگەن.

«پەداگوگتاردى وزىنە تيەسەلى ەمەس جۇمىستارعا تارتقانى ءۇشىن ءبىراز ديرەكتورلار جۇمىسىنان بوساتىلدى، ءبىراز ارىپتەستەرىمىزگە ءتيىستى شارا قولداندىق. ەگەر وسىنداي فاكتىلەر شىن مانىندە بولىپ، ولار راستالىپ، بىزگە ءتيىستى اقپارات كەلسە، وندا قاتاڭ شارا قولدانىلادى»، - دەدى ۆەدومستۆو باسشىسى.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات