قازاقستاندا ۆاكسينا العان قانشا ادام قايتىس بولدى؟

نۇر-سۇلتان. قازاقپارات - ەلىمىزدە كوروناۆيرۋسقا قارسى ۆاكسينا العاننان كەيىن كوز جۇمعانداردىڭ سانى بەلگىلى بولدى، دەپ حابارلايدى قازاقپارات ءتىلشىسى.

«بيىل 1- اقپاننان باستاپ تامىز ايىنىڭ سوڭىنا دەيىن ۆاكسينا العان سوڭ قايتىس بولعانداردىڭ سانى - 482. بۇل - ك ۆ ي- دەن قايتىس بولعانداردىڭ جالپى سانىنىڭ 5 پايىزى. وسى ورايدا جالپى اتالعان ىندەتتەن قايتىس بولعانداردىڭ دەنى - ۆاكسينا الماعان جاندار ەكەنىن ەسكە سالعىم كەلەدى. ۆاكسينا العاننان كەيىن مەرت بولعان 482 ادامنىڭ 23 ءى Corona Vac سالدىرعان، 371 ءى «سپۋتنيك V» ۆاكسيناسىن قابىلداعان، تاعى 75 ادام Vero Cell ەككەن جانە 13 ادام وتاندىق QazVac-تى العان»، - دەدى ق ر دەنساۋلىق ساقتاۋ ءمينيسترى الەكسەي سوي ۇكىمەت ۇيىندە وتكەن باسپا ءسوز ءماسليحاتىندا.

بۇعان دەيىن ۆەدومستۆو باسشىسى ەلدەگى ەپيدجاعدايدىڭ جاقسارعانىن جەتكىزگەن ەدى.

«قازاقستاندىقتار كوروناۆيرۋس داۋىرىندە ءومىر ءسۇرىپ جاتقانىن ءتۇسىنۋ كەرەك. قازىرگى ۋاقىتتا 6 ميلليوننان استام قازاقستاندىق تولىق ۆاكسينا الدى. بۇگىندە حالىقتىڭ بەلگىلى ءبىر بولىگىندە يممۋندىق قابىلەت جاقسارىپ، سايكەسىنشە، ەپيدجاعداي جاقسارىپ كەلەدى»، - دەپ ەدى مينيستر.