قازاقستاندا ب اق وكىلدەرىن قولداۋعا ارنالعان شارالار قابىلدانادى

None
None
نۇر-سۇلتان. قازاقپارات - ەلىمىزدە ب ا ق جۇمىسى مەن سالا ماماندارىن قولداۋعا ارنالعان ءبىرقاتار شارالار قابىلدانباق.

بۇل تۋرالى ق ر اقپارات جانە قوعامدىق دامۋ ۆيتسە-ءمينيسترى كەمەلبەك ويشىبايەۆ ءمالىم ەتتى، دەپ حابارلايدى قازاقپارات ءتىلشىسى.

«ب ا ق وكىلدەرىن قولداۋ شارالارى قابىلدانادى، ول ءوز كەزەگىندە مەديانىڭ دامۋىنا وڭ اسەرىن تيگىزەتىنى ءسوزسىز. اتاپ ايتقاندا، تىلشىلەرگە تالاپ قويۋ (سوتقا ارىزدانۋ) مەرزىمىن 1 جىلعا دەيىن قىسقارتۋ قاراستىرىلىپ وتىر. قازىرگى ۋاقىتتا تىلشىلەرگە تالاپ قويۋ مەرزىمى شەكتەلمەگەن. وسى ورايدا 1-2 جىلدان كەيىن، ءتىپتى 10 جىلدان كەيىن دە ب ا ق- تاعى فاكتىلەردى تەرىسكە شىعارۋ تالابىمەن ارىز بەرىلگەنىنە كۋا بولدىق. بۇل ب ا ق جۇمىسى ءۇشىن ايتارلىقتاي كەدەرگى»، - دەدى ك. ويشىبايەۆ.

سونداي-اق، ۆيتسە-ءمينيستردىڭ سوزىنە سەنسەك، توتەنشە جاعداي كەزىندە جانە قاۋىپتى جەرلەردە جۇمىس ىستەگەن ب ا ق وكىلدەرىنىڭ الەۋمەتتىك مارتەبەسىن انىقتاۋ بويىنشا جەكە جۇمىس جۇرگىزىلەدى.

«سونىمەن قاتار، ەلىمىزدە ب ا ق- تىڭ جەكەلەگەن تۇرلەرىن تىركەۋدى وڭتايلاندىرۋ بويىنشا ۇسىنىستار ازىرلەنىپ جاتىر. بۇل رەتتە ب ا ق الداعى ۋاقىتتا دا قولجەتىمدى، تەكسەرىلگەن اقپارات كوزى جانە اۋديتوريا سەنىمىنە يە بولۋى ءتيىس. جانە زاڭ اياسىندا بەلگىلەنگەن ستراتەگياعا ساي جۇمىس ىستەۋى ءتيىس. ءبىر سوزبەن ايتقاندا، اقپارات تاراتۋ ءتاسىلى، تەحنولوگياسى مەن قۇرالى قانشالىقتى وزگەرسە دە، ءبىزدىڭ باستى قاعيداتتارىمىز وزگەرىسسىز قالادى. ول دەگەنىمىز - اقپارات بەرۋدەگى جەدەلدىلىك، انىقتىق جانە كونسترۋكتيۆتىلىك»، - دەپ تۇيىندەدى مينيستر ورىنباسارى.

بۇعان دەيىن ك. ويشىبايەۆ وتاندىق مەديا نارىققا ولشەم جاسالىپ جاتقانىن ايتتى.

ونىڭ ايتۋىنشا، مەديا تۇتىنۋشىلاردى كوبىنەسە قانداي كونتەنتتەر قىزىقتىرادى جانە ونى قايدان تاۋىپ قارايتىنى انىقتالماق.

ايتا كەتسەك، مينيستر ورىنباسارى «Astana Media Week - 2021» مەديا اپتالىعى اياسىنداعى «مەديانى دامىتۋ ستراتەگياسى» اتتى دوڭگەلەك ۇستەل بارىسىندا بايانداما جاسادى.

سوڭعى جاڭالىقتار