سالالىق جۋرناليستيكانى دامىتۋدا ۇلكەن جۇمىس ىستەلىپ جاتىر - اقپارات ءمينيسترى

نۇر-سۇلتان. قازاقپارات - ەلىمىزدە سالالىق جۋرناليستيكانى دامىتۋعا اسا ءمان بەرىلىپ جاتىر. سونىمەن قاتار باق وكىلدەرىنىڭ كاسىبي بىلىكتىلىگىن كوتەرۋ ماسەلەسى دە قولعا الىندى.

بۇل تۋرالى ق ر اقپارات جانە قوعامدىق دامۋ ءمينيسترى ايدا بالايەۆا ءمالىم ەتتى، دەپ حابارلايدى قازاقپارات ءتىلشىسى.

«الدىمەن تىلشىلەردىڭ كاسىبي بىلىكتىلىگىن كوتەرۋ كەرەك. بۇل وتە ماڭىزدى. ب ا ق وكىلدەرىن وقىتۋ، بىلىكتىلىگىن كوتەرۋ بويىنشا مينيسترلىكتىڭ ناقتى جوسپارى بار. سونداي-اق، ەلىمىزدە سالالىق جۋرناليستيكانى دامىتۋدا ۇلكەن جۇمىس ىستەلىپ جاتىر، سالانى دامىتۋدى قولعا الدىق. كەيبىر تاقىرىپتار تولىق اشىلماي جاتادى، ونىڭ سەبەبى ءتىلشى بوگدە سالانىڭ قىر- سىرىن تەرەڭ بىلمەيدى. اتالعان ولقىلىقتى اسىرەسە پاندەميا كەزىندە بايقادىق. سوندىقتان دا تىلشىلەردىڭ كاسىبي بىلىكتىلىگىن كوتەرۋ قاجەت- اق. وسى جەردە باسپا ءسوز قىزمەتىنىڭ دە ءرولى زور. ءبىز بۇگىندە بارلىق مەملەكەتتىك ورگانداردىڭ باسپا ءسوز قىزمەتىمەن جۇمىس جۇرگىزىپ جاتىرمىز»، - دەدى ايدا بالايەۆا.

ءمينيستردىڭ ايتۋىنشا، ب ا ق ول حالىق پەن بيلىك اراسىنداعى ديالوگ. بۇعان دەيىن مينيستر ب ا ق-تا وتكىر الەۋمەتتىك تاقىرىپتاردى تاراتۋداعى زاڭنىڭ ساقتالۋىنا قاتىستى پىكىر بىلدىرگەن ەدى. ايتا كەتەيىك، ەلوردادا «Astana Media Week - 2021» مەديا اپتالىعى ءوتىپ جاتىر. ەكى كۇن وتەتىن مەديا شارانى تىڭداۋشىلار ونلاين قاراي الادى.