ادام ساۋداسى ءۇشىن قولدانىلاتىن ەڭ اۋىر جازا قانداي
«وكىنىشكە قاراي، ادام ساۋداسى ءبىزدىڭ ەلىمىزدە دە انىقتالۋدا. سوندىقتان ىشكى ىستەر مينيسترلىگى بۇل قىلمىس تۇرىنە اسا كوڭىل ءبولىپ وتىر. كۇرەس ءتيىمدى بولۋ ءۇشىن زاڭنامالىق تۇرعى دا، پراكتيكالىق تۇرعىدا دا ناقتى شارالار قابىلدانعان. مۇنداي ساناتتاعى قىلمىس جاساعانى ءۇشىن قىلمىستىق كودەكستە مۇلكىنەن ايىرا وتىرىپ، 18 جىلعا باس بوستاندىعىنان ايرىرۋ سياقتى ەڭ جوعارى جازاعا دەيىن قاراستىرىلعان»، - دەدى ول ىشكى ىستەر مينيسترلىگىنىڭ ونلاين باسپا ءسوز الاڭىندا.
دەپارتامەنت وكىلىنىڭ سوزىنشە، بۇل نورماعا سوڭعى وزگەرىس بىلتىر قاڭتاردا ەنگىزىلىپتى.
«ادام ورگاندارىن، كامەلەتكە تولماعانداردى ساتقانى جانە ولاردى جەزوكشەلىكپەن اينالىسۋعا تارتقانى ءۇشىن قولدانىلاتىن جازالار قاتاڭداتىلدى. ۇكىمەت جانىندا ۆەدومستورارالىق كوميسسيا جۇمىس ىستەيدى. ونىڭ اياسىندا مەملەكەتتىك جانە جەرگىلىكتى اتقارۋ ورگاندارىنا ۇسىنىمدار بەرىلەدى. ىشكى ىستەر ورگاندارىنىڭ ءقۇرىلىمىندا، ياعني مينيسترلىك وزىندە دە، ونىڭ اۋماقتىق بولىمشەلەرىندە دە ادام ساۋداسىمەن كۇرەس جونىندەگى بولىمشەلەر جۇمىس ىستەيدى»، - دەدى قانات نۇرماعامبەتوۆ.
اۆتور: ەسىمجان ناقتىباي