قارجى پيراميداسىن قالاي اشكەرەلەۋگە بولادى
الاياقتاردان 19 مىڭنان استام قازاقستاندىق زارداپ شەككەن. قازاقپارات Fingramota.kz سايتىنا سىلتەمە جاساي وتىرىپ قارجى پيراميداسىن انىقتاۋدىڭ نەگىزگى 10 بەلگىسىن جاريالايدى.
1. اكەلگەن كليەنتتەر ءۇشىن سىياقى ەگەر سىزگە كومپانياعا اكەلگەن ءاربىر كليەنت ءۇشىن قوسىمشا اقى تولەۋگە ۋادە بەرىلسە، بۇل اقشانى سالماۋ ءۇشىن جانە بارلىق تانىستاردى وسىنداي تاۋەكەلدى ءىس- شارادان باس تارتقىزۋ ءۇشىن جەتكىلىكتى نەگىز بولىپ تابىلادى.
2. نارىقتىق دەڭگەيدەن بىرنەشە رەت اسىپ تۇسەتىن جوعارى كىرىستىلىككە كەپىلدىك بەرۋ ءتۇرلى «ينۆەستكومپانيالار» كىرىستىلىككە كەپىلدىك بەرە المايدى، بۇعان زاڭنامالىق تۇرعىدان تىيىم سالىنعان. ەگەر بىرەۋ كەپىلدىك بەرسە، ول - الاياق دەگەن ءسوز. باسقاشا بولمايدى!
3. قاجەتتى ليتسەنزيالاردىڭ بولماۋى كومپانيا اقشالاي سالىمداردى حالىقتان تارتادى نەمەسە قور نارىقتارىنا ينۆەستيتسيالاۋدى ۇسىنادى، ءبىراق ونىڭ قولىندا ليتسەنزياسى جوق، بۇل رەتتە ونىمەن بايلانىسۋ كەرەگىنىڭ بار- جوعى جونىندە مىقتاپ ويلانىڭىز. مۇنداي ۇيىمدار ق ر قارجى نارىعىن رەتتەۋ جانە دامىتۋ اگەنتتىگىنىڭ باقىلاۋىندا ەمەس، ياعني ءسىزدىڭ قۇقىقتارىڭىز بەن مۇددەلەرىڭىزدى ەشكىم قورعاي المايدى.
4. كىرۋ جارناسىنىڭ بولۋى: رەسىمدەۋگە، وقىتۋعا، اكسيالار جانە ت. ب. ءۇشىن ادەتتە، بۇل جارنا پيراميدانى ۇيىمداستىرۋشىلاردىڭ نەگىزگى كىرىسى بولىپ تابىلادى، سونداي- اق قارجى پيراميداسىنا ءتان ايقىن بەلگى.
5. مەنشىكتى نەگىزگى قۇرالداردىڭ، باسقا دا قىمبات اكتيۆتەردىڭ بولماۋى كومپانيانىڭ قولدا بار مۇلكى مەن اكتيۆتەرىن ناتيجە ويداعىداي بولىپ شىقپاعان جاعدايدا ساتۋعا جانە سالىنعان اقشانى ءىشىنارا قايتارۋعا بولادى. ال قارجى پيراميدالارىندا مۇنداي اكتيۆتەر بولمايدى.
6. وكتەم جارناما ناۋقانى قارجى پيراميداسى جارناماسى كوپتەگەن كليەنتتەردى تەز تارتۋعا ارنالعان جانە تەك جاريالانۋى پيراميدالاردىڭ نەگىزىن قالاۋشىلار ءۇشىن پايدالى بولاتىن اقپاراتتى قامتيدى. ارينە، مۇنداي كومپانيانىڭ كليەنتى كەزدەستىرۋى مۇمكىن تاۋەكەلدەردى جارناما بەرۋشىلەر بەلگىلى سەبەپتەرمەن ايتپاۋعا تىرىسادى.
7. ۇيىم قىزمەتىنىڭ ناقتى انىقتاماسىنىڭ بولماۋى پيراميدالاردا سالىمشىلاردىڭ وزدىگىنەن باسقا كليەنتتەرى جوق. سىزگە ءونىم بەرۋشىلەردى، مىسالى، باسقا بيزنەس- سەرىكتەستەردى ەشقاشان كورسەتپەيدى.
جالپى كومپانياعا اقشا سالماس بۇرىن، ول تۋرالى مۇمكىندىگىنشە كوپ اقپارات الىڭىز. پىكىرلەردى زەرتتەڭىز، ءبىراق بۇل ماسەلەگە مۇقيات قاراڭىز، ويتكەنى ولاردى مۇددەلى ادامدار قالدىرۋى مۇمكىن. بارلىق قۇجاتتاردى وقىڭىز. كومپانيا ناقتى نەمەن اينالىساتىنىن جانە اقشاڭىزدىڭ قايدا سالىناتىنىن سۇراپ ءبىلىڭىز. مۇنى قالاي راستاۋعا بولاتىندىعىن سۇراڭىز. بۇل اقپاراتتى ءوزىڭىز تەكسەرىڭىز. وسىعان ۇقساس قىزمەتتەردى ۇسىناتىن باسقا ۇيىمدارمەن تالاپتارىن سالىستىرىڭىز.
ەگەر ءسىزدىڭ قاراجاتىڭىزدى ورنالاستىرۋدىڭ نەعۇرلىم پايدالى شارتتارى بولسا، ولاردىڭ كومپانيالارىنىڭ پايداسى وسى سالادا جۇمىس ىستەيتىن ۇقساس قۇرىلىمدارعا قاراعاندا نەنىڭ ەسەبىنەن بىرنەشە ەسە جوعارى ەكەنىن كومپانيا قىزمەتكەرىنەن سۇراڭىز جانە سۇراقتارىڭىزعا ناقتى جاۋاپتار الىڭىز. ەگەر كومپانيا كەز- كەلگەن سىلتاۋمەن اقپارات بەرۋ، ءتىپتى قۇجاتتارمەن تانىسۋ مۇمكىندىگىنەن باس تارتسا، ينۆەستيتسيالانعان اقشانى الۋ ودان دا قيىن بولاتىنى ايدان انىق.
8. تولەمدەر تەك قولما- قول اقشامەن قابىلدانادى ەگەر كومپانيا وسىلاي جاساسا، وندا بۇل ۇيىمعا سەنبەۋگە بارلىق نەگىز بار، ويتكەنى ول اقشا قوزعالىسىنىڭ باقىلانۋىنان بارىنشا قاشادى.
9.تەك جەكە كەزدەسۋ كەزىندە كەڭەس بەرۋ جەكە كەزدەسۋدە كليەنتتىڭ سەنىمىنە كىرىپ، ونى اقشا سالۋعا سەندىرۋ ءۇشىن ءارتۇرلى پسيحولوگيالىق ادىستەر مەن امالداردى قولدانۋ وڭايىراق.
10. «شارتقا» ويلانباي قول قويۋدى ۇسىنادى اسىعىس شەشىم قابىلداماڭىز! شارتتىڭ ۇلگىسىن قولعا بەرۋدى سۇراپ، ونىمەن ۇيدە اسىقپاي تانىسىپ شىعىڭىز. ەگەر ونىڭ جەكەلەگەن ەرەجەلەرى قيىندىق تۋدىرسا، مامانمەن كەڭەسۋگە تىرىسىڭىز. بەرىلگەن اقشانىڭ ورنىنا سىزدە قانداي قۇجات قالاتىنىن قاراڭىز. ونىڭ زاڭدى كۇشى بار ما؟ كەز كەلگەن قارجىلىق قۇجاتتى، اسىرەسە شارتتى مۇقيات وقۋدى ادەتكە اينالدىرىڭىز. تۇسىنبەستەن ەشتەڭەگە قول قويماڭىز. سودان كەيىن ءسىزدىڭ اقشانى قايىرىمدىلىق نەمەسە كىرۋ جارناسى رەتىندە سالعانىڭىز، سونىڭ ارقاسىندا كۇماندى كلۋبقا مۇشەلىككە يە بولعانىڭىز انىقتالۋى مۇمكىن. ەگەر سىزگە شارت نەمەسە ونىڭ جەكەلەگەن ەرەجەلەرى ۇناماسا، وعان قول قويماڭىز.