+7 (701) 759 90 19
USD 426.32 EUR 496.24
RUB 6.04 CNY 66.74
جاڭالىقتار

گاندبولدان ازيا چەمپيوناتى: قازاقستان قولا جۇلدەگەر اتاندى

26 قىركۇيەك 13:44
:ءبولىسۋ
گاندبولدان ازيا چەمپيوناتى: قازاقستان قولا جۇلدەگەر اتاندى

نۇر-سۇلتان. قازاقپارات - گاندبولدان ايەلدەر اراسىنداعى ازيا چەمپيوناتىندا قازاقستان قۇراماسى قولا جۇلدەگەر اتاندى، دەپ حابارلايدى قازاقپارات ءتىلشىسى.

قازاقستاندىق سپورتشىلار سەنبى كۇنى 3-ورىن ءۇشىن يرانمەن كۇش سىناستى.

قارسىلاستارىنان 38:33 ەسەبىمەن باسىم ءتۇسىپ، قولا جۇلدەگەر اتاندى.

ەسكە سالساق، قازاقستاندىق قىزدار ا توبىندا سىنعا ءتۇستى. الدىمەن سينگاپۋردەن 33:18، گونكونگتى 31:29، وزبەكستاندى 31:28 ەسەبىمەن جەڭسە، وڭتۇستىك كورەياعا 20:40 ەسەبىمەن جول بەردى.

وسىلايشا ءوزىنىڭ توبىندا ەكىنشى ورىن الدى. جارتىلاي فينالدا جاپونياعا 24:38 ەسەبىمەن جول بەردى.

ايتا كەتسەك، قۇرلىقتىق دودا 1987-جىلدان بەرى تۇراقتى تۇردە وتكىزىلىپ كەلەدى. بۇعان دەيىن وڭتۇستىك كورەيا 14 مارتە چەمپيون اتاندى. ال قازاقستان قۇراماسى 2002 جانە 2010-جىلدارى ەكى مارتە جەڭىمپاز تۇعىرىنان كورىندى.

جاپونيا ءبىر مارتە التىننان القا تاقتى. بيىل ازيا چەمپيونى اتاعىنا وڭتۇستىك كورەيا قۇراماسى قول جەتكىزدى. ولار فينالدا جاپونيادان 33:24 ەسەبىمەن باسىم ءتۇستى.



:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات