ق ر پرەزيدەنتى الماتىداعى اتىستا قازا تاپقان پوليتسەيلەردى ناگرادالارمەن ماراپاتتادى

نۇر-سۇلتان. قازاقپارات - ق ر پرەزيدەنتى قاسىم-جومارت توقايەۆ الماتىداعى اتىس كەزىندە قازا تاپقان پوليتسەيلەر مەن سوت ورىنداۋشىنى مەملەكەتتىك ناگرادالارىمەن ماراپاتتاۋ تۋرالى جارلىققا قول قويدى.

قازاقپارات اقورداعا سىلتەمە جاساي وتىرىپ جارلىقتىڭ تولىق ءماتىنىن جاريالايدى.

***

قازاقستان رەسپۋبليكاسىنىڭ مەملەكەتتىك ناگرادالارىمەن ناگرادتاۋ تۋرالى 2021-جىلعى 25- قىركۇيەك قاۋلى ەتەمىن:

1. قىزمەتتىك بورىشىن اتقارۋدا كورسەتكەن ەرلىگى مەن جانقيارلىعى ءۇشىن ناگرادتالسىن:

Ⅱ دارەجەلى «ايبىن» وردەنىمەن بايعازيەۆ نۇربول نازارباي ۇلى (مارقۇم) - ىشكى ىستەر مينيسترلىگىنىڭ الماتى قالاسى پوليتسيا دەپارتامەنتىنىڭ الاتاۋ اۋدانى پوليتسيا باسقارماسىنىڭ جانىنداعى پوليتسيا ءبولىمىنىڭ ۋچاسكەلىك ينسپەكتورى سۇلەيەۆ دارحان داۋىلباي ۇلى (مارقۇم) - ىشكى ىستەر مينيسترلىگىنىڭ الماتى قالاسى پوليتسيا دەپارتامەنتىنىڭ الاتاۋ اۋدانى پوليتسيا باسقارماسىنىڭ جانىنداعى پوليتسيا ءبولىمىنىڭ ۋچاسكەلىك ينسپەكتورى؛ «ەرلىگى ءۇشىن» مەدالىمەن ابەنوۆ مۇرات باقبەرگەن ۇلى (مارقۇم) - جەكە سوت ورىنداۋشىلارىنىڭ رەسپۋبليكالىق پالاتاسىنىڭ مۇشەسى، الماتى قالاسى.

2. وسى جارلىق قول قويىلعان كۇنىنەن باستاپ قولدانىسقا ەنگىزىلەدى.

قازاقستان رەسپۋبليكاسىنىڭ پرەزيدەنتى

ق. توقايەۆ

نۇر-سۇلتان،

اقوردا،

2021-جىلعى 25 قىركۇيەك 663№

***

ەسكە سالايىق، 20- قىركۇيەك كۇنى الماتىدا اتىس بولىپ، 5 ادام قازا تاپتى. جەكە ۇيلەردىڭ بىرىنە كەلگەن سوت ورىنداۋشىعا، ۋچاسكەلىك پوليتسيا ينسپەكتورلارىنا ءۇي يەسى — 1967 -جىلى تۋعان ازامات وق اتتى.

قازا تاپقان پوليتسەيلەردىڭ ءبىرىنىڭ ارتىندا 5 جانە ەكىنشىسىنىڭ ارتىندا 2 بالاسى قالدى. الماتى قالالىق سوتى بىرنەشە ادام ولىمىنە كىنالى تۇرعىننىڭ داۋلى ىسىنە قاتىستى تۇسىنىكتەمە بەردى.

«بانك سەنتر كرەديت» ا ق ءىس بويىنشا بارلىق قاجەتتى قۇجاتتى ۇسىناتىندارىن جانە زارداپ شەككەندەردىڭ تۋىستارىنا جان-جاقتى كومەك كورسەتەتىندەرىن جەتكىزدى.

اتالعان جاعداي بويىنشا سوتقا دەيىنگى تەرگەۋ امالدارى باستالدى. كىنالى ادام 20 جىلعا دەيىن نەمەسە ءومىر بويىنا باس بوستاندىعىنان ايىرىلۋى مۇمكىن.