سەناتورلار كەدەندىك اكىمشىلەندىرۋ ماسەلەلەرىن تالقىلادى
وندا اقپاراتتىق جۇيە ارقىلى مەملەكەتتىك قىزمەتتەر كورسەتۋگە، كەدەن ءىسى سالاسىنداعى ەلەكتروندىق سۇيەمەلدەۋگە جانە ونى اكىمشىلەندىرۋدى جەتىلدىرۋگە قاتىستى ماسەلەلەر تالقىلاندى.
سەنات كوميتەتىنىڭ ءتوراعاسى ولگا پەرەپەچينا كەدەندىك جانە سالىقتىق اكىمشىلەندىرۋدى جەتىلدىرۋ وتاندىق كاسىپكەرلىكتى دامىتۋ ءۇشىن ماڭىزى زور ەكەنىن اتاپ ءوتتى.
«رەسپۋبليكالىق بيۋجەت پەن رەسپۋبليكالىق بيۋجەتتىڭ اتقارىلۋى تۋرالى ەسەپتەردى قاراۋ كەزىندە سىرتقى ەكونوميكالىق قىزمەت، كەدەندىك اكىمشىلەندىرۋدى جەتىلدىرۋ، سونداي-اق سالىقتىق اكىمشىلەندىرۋ ماڭىزدى ءارى وتكىر ماسەلەلەردىڭ ءبىرى بولىپ تابىلادى»، - دەدى ولگا پەرەپەچينا.
قارجى ءمينيسترىنىڭ ورىنباسارى مارات سۇلتانعازييەۆ كوشپەلى وتىرىسقا قاتىسۋشىلارعا كەدەندىك ەلەكتروندىق دەكلاراتسيالاۋ تۋرالى ايتىپ بەردى.
ول پاندەميا كەزىندە كەدەن قىزمەتتەرىن قاشىقتان ۇسىنۋ %100 جۇزەگە اسقانىن ايتتى. دەگەنمەن ءمينيستردىڭ ورىنباسارى كەدەندىك اكىمشىلەندىرۋدى تولىق جەتىلدىرۋ ءۇشىن بارلىق پروتسەستەردى كەڭ اۋقىمدا ودان ءارى تسيفرلاندىرۋ قاجەت دەپ سانايدى.
سەناتور ولگا پەرەپەچينا وتىرىستى قورىتىندىلاي كەلىپ، ۇسىنىلعان ماتەريالداردى تالداۋ نەگىزىندە كوميتەت ۋاكىلەتتى مەملەكەتتىك ورگاندارعا جىبەرىلەتىن قوسىمشا ۇسىنىمدار ازىرلەيتىنىن اتاپ ءوتتى.