+7 (701) 759 90 19
USD 425.77 EUR 494.28
RUB 5.95 CNY 66.14
جاڭالىقتار

قازاقستاندىق بالۋان امەريكالىق جۇلدىزداردى الىپ كۇشىمەن تامساندىردى

24 قىركۇيەك 22:32
:ءبولىسۋ

نۇر-سۇلتان. قازاقپارات - كۇش كورسەتكىشى بويىنشا ءتورت دۇركىن الەم رەكوردىن ورناتقان، گيننەس كىتابىنا ەنگەن جانە قازاقستاننىڭ التى دۇركىن رەكوردشىسى سەرگەي تسىرۋلنيكوۆ كەزەكتى ۆيدەو ءتۇسىردى.

ول ۆيدەونى تانىمال سپورتشى تەررەلل وۋەنس Facebook-تە جاريالادى، دەپ حابارلايدى Tengrinews.kz ءتىلشىسى.

Қазақстандық балуан америкалық жұлдыздарды алып күшімен тамсандырды

«ءبىر كۇن ىشىندە ۆيدەونى 2,3 ميلليوننان اسا قولدانۋشى قاراپ، 5 مىڭعا جۋىق پىكىر قالدىرعان. تانىمال ارتىستەر، مۋزىكانتتار مەن سپورتشىلار جازىلىمعا پىكىر قالدىرعان. الەمدىك بوكس جۇلدىزى كىشى فلويد مەيۆەزەر ازىلدەپ: «سپورتپەن اينالىسپاۋ كەرەك كەزدە وسىلاي بولادى»، - دەپ پىكىر قالدىردى.

اكتەر لۋ فەررينو دا حالك تۋرالى ازىلدەۋدى ۇيعارعان. «مەنىڭ حالكتى ويناعانىم ەسىندە جوق پا؟»، - دەپ جازدى ول.

ۆيدەودا سەرگەي تسىرۋلنيكوۆ شىنجىردى كەۋدەسىنە وراپ، ونى بۇلشىقەت كومەگىمەن ۇزەدى، تەمىر تاعانى، مەتالل ىدىستاردى مايىستىرادى.

ول ۆيدەونى امەريكالىق تەلەكومپانيالاردىڭ ءبىرىنىڭ تاپسىرىسى بويىنشا تۇسىرگەن جانە ول ا ق ش- تىڭ تەلەارنالارىندا كورسەتىلدى.

«مەنىڭ ماقساتىم - قازاقستان مادەنيەتىن، وتكەننىڭ مىقتىلارىن دارىپتەۋ، كۇش مادەنيەتىن ساقتاپ، ونى جاس ۇرپاققا جەتكىزۋ. قازىر تەحنولوگيالار ءداۋىرى، سوندىقتان ونى الەۋمەتتىك جەلىلەردە تاراتۋ ەڭ جاقسى جولى. مەنىڭ تاعى ءبىر بەينەبايانىم سەگىز اپتا بويى امەريكالىق چارتتاردا جەتەكشى ورىندا بولدى. ول 160 ميلليوننان اسا قارالىم جينادى»، - دەدى تسىرۋلنيكوۆ.

قازاق بالۋانىنىڭ TikTok-تاعى بەينەلەرى دە وتە تانىمال جانە الەمدىك ترەندتەرگە تۇسەدى. ءتورت ميلليوننان اسا وقىرمان تسىرۋلنيكوۆكە جازىلعان، ال ۆيدەولارى 10 ميلليون قارالىم جينايدى.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات