+7 (701) 759 90 19
USD 425.78 EUR 494.08
RUB 5.98 CNY 66.23
جاڭالىقتار

پرەزيدەنت: قىتايمەن شەكارادا ترانزيتتىك جۇكتەر ءوتىپ، ءوز جۇگىمىز قالىپ قويىپ جاتىر

24 قىركۇيەك 20:58
:ءبولىسۋ
پرەزيدەنت: قىتايمەن شەكارادا ترانزيتتىك جۇكتەر ءوتىپ، ءوز جۇگىمىز قالىپ قويىپ جاتىر

نۇر-سۇلتان. قازاقپارات - رەفورمالار جونىندەگى جوعارى كەڭەستىڭ كەزەكتى وتىرىسىندا پرەزيدەنت قاسىم-جومارت توقايەۆ قىتايمەن شەكارادا قاڭتارىلىپ تۇرعان جۇك ماسەلەسىنە توقتالدى، دەپ حابارلايدى قازاقپارات ءتىلشىسى.

اۋەلى ساۋدا جانە ينتەگراتسيا ءمينيسترى باقىت سۇلتانوۆتىڭ ەكسپورتتى ىلگەرىلەتۋگەن باعىتتالعان شارالار تۋرالى بايانداماسىن تىڭداعان قاسىم-جومارت توقايەۆ شيكىزات ەكسپورتىن ۇلعايتۋ ۇكىمەتتىڭ الدىنداعى وتە ماڭىزدى ماسەلە ەكەنىن ەسكەرتتى.

ول ءۇشىن ەكسپورتتىڭ كولەمىن تەجەپ تۇرعان كەدەرگىلەردى جويۋ، الىس-بەرىس گەوگرافياسى مەن نومەنكلاتۋراسىن كەڭەيتۋ باعىتىندا ۇكىمەتتىڭ جۇمىلىپ جۇمىس ىستەۋ قاجەتتىگى دە ايتىلدى.

مەملەكەت باسشىسى اسىرەسە قىتايمەن ەكى اراداعى شەكارادان وزگەنىڭ ترانزيتتىك تاۋارى وتكەنىمەن، ءوزىمىزدىڭ تاۋار وتپەي جاتقانىنا الاڭداۋشىلىق ءبىلدىرىپ، سىرتقى ىستەر مينيسترلىگىن وسى ىسكە دە اتسالىسۋعا شاقىردى.

«قازاقستاننان قىتايعا جۇك اكەلۋگە قويىلعان شەكتەۋلەرگە قاتىستى قوردالانعان ماسەلە ۇزاق ۋاقىتتان بەرى شەشىلمەي كەلەدى. ترانزيتتىك جۇكتەر وتەدى، ال ءبىزدىڭ جۇكتەرىمىز شەكارادا قالىپ قويادى. قازاقستاندىق تاۋار تيەلگەن مىڭداعان ۆاگون بەكەتتەردە تۇر. بيزنەس تىكەلەي پرەزيدەنتتەن كومەك سۇرايدى. مۇنداي جاعدايلاردا ۇكىمەت جەدەل ارەكەت ەتىپ، سەرىكتەستەرمەن اراداعى بارلىق ماسەلەنى رەتتەۋى ءتيىس»، - دەدى مەملەكەت باسشىسى.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات