+7 (701) 759 90 19
USD 425.78 EUR 494.08
RUB 5.98 CNY 66.23
جاڭالىقتار

الماتى اكىمى ەۋروپالىق وداقتىڭ وكىلىمەن كەزدەستى

24 قىركۇيەك 19:55
:ءبولىسۋ
الماتى اكىمى ەۋروپالىق وداقتىڭ وكىلىمەن كەزدەستى

الماتى. قازاقپارات - الماتى اكىمى باقىتجان ساعىنتايەۆ ەۋروپالىق وداقتىڭ قازاقستانداعى وكىلدىگىنىڭ باسشىسى ك. يانكاۋسكاستى قابىلدادى، دەپ حابارلايدى قازاقپارات ءتىلشىسى.

كەزدەسۋ بارىسىندا باقىتجان ساعىنتايەۆ كەستۋتيس يانكاۋسكاسپەن ساۋدا-ەكونوميكالىق بايلانىستاردى كەڭەيتۋ جانە ينۆەستيتسيا تارتۋ، سونداي-اق ادامي كاپيتال مەن قالالىق ورتانى دامىتۋ ماسەلەلەرىن تالقىلادى.

ايتا كەتەيىك، 1999-جىلى شىلدەدە كۇشىنە ەنگەن سەرىكتەستىك پەن ىنتىماقتاستىق تۋرالى كەلىسىم - قازاقستان رەسپۋبليكاسى مەن ەۋروپالىق وداق اراسىنداعى قارىم-قاتىناستىڭ قۇقىقتىق نەگىزى بولىپ تابىلادى.

سونداي-اق، 2015-جىلى 21- جەلتوقساندا كەڭەيتىلگەن سەرىكتەستىك پەن ىنتىماقتاستىق تۋرالى كەلىسىمگە (ك س ى ك) قول قويىلعان بولاتىن. بۇل كەلىسىم ق ر مەن ە و اراسىنداعى قارىم-قاتىناستىڭ ودان ءارى جان-جاقتى دامۋىنا ىقپال ەتۋگە ارنالعان.

ال 2016-جىلدىڭ 25- ناۋرىزىندا ق ر پرەزيدەنتى ك س ى ك راتيفيكاتسيالاۋ تۋرالى زاڭعا قول قويعان.

ە و - قازاقستاننىڭ نەگىزگى ساۋدا جانە ينۆەستيتسيالىق سەرىكتەستەرىنىڭ ءبىرى. وتكەن جىلى ە و قازاقستاننىڭ سىرتقى ساۋدا اينالىمىنىڭ تورتتەن بىرىنەن استامىن (%28) جانە ءبىزدىڭ رەسپۋبليكانىڭ ەكونوميكاسىنا تارتىلعان شەتەلدىك كاپيتالدىڭ جارتىسىنان (%47) قۇرادى.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات