+7 (701) 759 90 19
USD 425.71 EUR 495.53
RUB 5.99 CNY 66.56
جاڭالىقتار

الماز شارمان كوروناۆيرۋستىڭ ەڭ اگرەسسيۆتى نۇسقاسىن اتادى

24 قىركۇيەك 19:03
:ءبولىسۋ
الماز شارمان كوروناۆيرۋستىڭ ەڭ اگرەسسيۆتى نۇسقاسىن اتادى

الماتى. قازاقپارات- كەيبىر ەلدەردە ۆاكسينالاۋدىڭ كەشىگۋى كوروناۆيرۋستىڭ جاڭا نۇسقالارىنىڭ پايدا بولۋىنا اكەلۋى مۇمكىن.

بۇل تۋرالى پروفيلاكتيكالىق مەديتسينا اكادەمياسىنىڭ پرەزيدەنتى، امەريكا دەنساۋلىق ساقتاۋ قاۋىمداستىعىنىڭ مۇشەسى الماز شارمان ونلاين بريفينگ بارىسىندا ايتتى، دەپ حابارلايدى قازاقپارات ءتىلشىسى.

پروفەسسوردىڭ سوزىنشە، ۆيرۋستىڭ شتامدارى مەن ۆاريانتتارىن اجىراتۋ قاجەت. كەيبىر تەحنيكالىق ايىرماشىلىقتار بار. «ءبىز كوروناۆيرۋستىڭ ءار ءتۇرلى نۇسقالارى تۋرالى ايتىپ جاتىرمىز. 1- ماۋسىمنان باستاپ دۇنيەجۇزىلىك دەنساۋلىق ساقتاۋ ۇيىمى ولاردى گرەك الفاۆيتى ارىپتەرىمەن، ياعني - «الفا»، «بەتا»، گامما، «دەلتا» دەپ اتاپ كەلەدى. جالپى پاندەميا باستالعالى بۇكىل الەمدە كوپتەگەن نۇسقالار تىركەلدى. شامامەن اي سايىن ەكى نەمەسە ءۇش نۇسقا پايدا بولدى. سونىمەن قاتار، ءتيىمدى ۆاكسينالاردىڭ پايدا بولۋىمەن مۋتاتسيانىڭ جيىلىگى جىلدامدادى. بۇل تابيعي ەۆوليۋتسيالىق پروتسەسس، - دەدى پروفەسسور.

ونىڭ ايتۋىنشا، ۆيرۋس ءتىرى قالۋدىڭ جولىن ىزدەپ، بەلسەندى تۇردە مۋتاتسيالانا باستايدى.

«ءىس جۇزىندە، ۆيرۋستىڭ تەك 30 مىڭ نۋكلەوتيد نەگىزى بار جانە ونىڭ مۋتاتسيالىق نۇسقالارىنىڭ سانى شەكتەۋلى. ۆيرۋستاردىڭ بىرنەشە نۇسقالارى بار، ولار جۇقپالى جانە ۆاكسينالارعا ءتوزىمدى بولۋى مۇمكىن، ءبىراق ولار جۇقپالىلىعىن جوعالتادى. بۇل الفا، بەتا جانە گامما نۇسقالارىمەن بولدى. ءبىز قازىر «دەلتانىڭ» وتە جۇقپالى نۇسقاسىمەن كۇرەسىپ جاتىرمىز. بۇل كوروناۆيرۋستىڭ سوڭعى اگرەسسيۆتى نۇسقاسى دەپ ويلايمىن جانە بولاشاقتا پاندەميا باسەڭدەۋى كەرەك»، - دەدى الماز شارمان.

سپيكەر ۆيرۋستىڭ وڭتۇستىك افريكالىق نۇسقاسىنىڭ ۆاكسيناعا ءتوزىمدى ەكەنى انىقتالعانىن جەتكىزدى. الايدا ول تەز جۇقپايتىن كورىنەدى. ال «دەلتا» نۇسقاسى وزىنەن بۇرىنعىلاردى ىعىستىرىپ، قاۋىپتى ءارى جۇقپالى بولىپ شىققان. سونىمەن قاتار، ول ۆيرۋستىڭ شتاممدارى مەن نۇسقالارىن شاتاستىرماۋدى سۇرادى. ول شتامدار ۆيرۋستىڭ تاعى ءبىر ساپالىق سيپاتتاماسى ەكەنىن اتاپ ءوتتى.

اۆتور: الما مۇقانوۆا


:ءبولىسۋ
پئكئر قالدئرؤ
+7
جئبةرؤ
سونداي-اق... وقىڭىز
ونلاين قىزمەتكەرلەر

مۇراعات