قۇرىلىس ماتەريالدارىنىڭ نەشە پايىزى ەلىمىزدە وندىرىلەدى

نۇر- سۇلتان. قازاقپارات - قازاقستان قۇرىلىسشىلار وداعىنىڭ باسشىسى تالعات ەرعاليەۆ ديەۆالۆاتسيانىڭ قۇرىلىسقا قالاي اسەر ەتەتىنى تۋرالى پىكىرىن ءبىلدىردى، دەپ حابارلايدى قازاقپارات ءتىلشىسى.

«رەسمي تۇرعىدا قۇرىلىس ماتەريالدارىنىڭ % 54 قازاقستاندا وندىرىلسە، % 46- ى شەتەلدەن اكەلىنەدى. ءىس جۇزىندە ىشكى نارىق وتاندىق ۇلەس دەلىنىپ جۇرگەن % 54- دىڭ جارتىسىن اعانا قامتاماسىز ەتەدى. قالعان جارتىسىن ءبارى ءبىر سىرتتان اكەلەمىز. سوندىقتان ءبىز تەڭگە باعامىنا قاتتى تاۋەلدىمىز»، - دەدى تالعات ەرعاليەۆ ب ا ق وكىلەرىنە بەرگەن سۇحباتىندا.

سونداي- اق، باسپانا تاپشىلىعىن شەشۋ ءۇشىن ءۇي سالاتىن جەر تەلىمىن بەرۋ ءىسىن وڭتايلاندىرىپ، جىلدامداتۋ كەرەك ەكەنىن ايتادى.

«جەكە تۇرعىن ءۇي قۇرىلىسىنا جەر تەلىمدەرىن بەرۋ ءىسى قازىر سايابىرسىپ قالدى. دالىرەك ايتقاندا، ءالى بەرىلىپ جاتىر. ءبىراق بۇرىنعىدان از مولشەردە. مەن شىعىس قازاقستان وبلىسىندا جانە باسقا دا وڭىرلەردە بولدىم. جەر بەرىلىپ جاتىر، ءبىراق قازىرگى قارقىنى حالىقتىڭ سۇرانىسىن وتەۋگە مۇلدە جەتكىلىكسىز. شارتتى تۇردە ايتساق، بىرەۋ كەزىندە 10 گ ا ساتىپ الىپ، ەندى سونى بىرنەشە تەلىمگە ءبولىپ، ساتىپ وتىر دەۋگە بولادى. جەكە ءۇي سالۋعا جەر الۋدىڭ ءار قادامى اشىق، تۇسىنىكتى بولۋ كەرەك. وسىنداي ءبىرىزدى رەتتىلىك قالىپتاستىرا الساق، حالىقتىڭ باسپاناعا مۇقتاجدىعىن شەشۋگە بولادى»، - دەدى تالعات ەرعاليەۆ.

اۆتور: ەسىمجان ناقتىباي