+7 (701) 759 90 19
USD 425.71 EUR 495.53
RUB 5.99 CNY 66.56
جاڭالىقتار

كەلەسى جىلى باسپانا باعاسى قىمباتتاي ما

24 قىركۇيەك 15:55
:ءبولىسۋ

نۇر- سۇلتان. قازاقپارات - 2022 - جىلدىڭ كوكتەمىندە تۇرعىن ءۇي % 20- %30 قىمباتتايدى. قازاقستان قۇرىلىسشىلار وداعىنىڭ باسشىسى تالعات ەرعاليەۆ ب ا ق وكىلدەرىنە وسىنداي بولجام ايتتى، دەپ حابارلايدى قازاقپارات ءتىلشىسى.

«قۇرىلىستىڭ قۇنىن ارزانداۋ تۋرالى ايتساق، 2014-2015 -جىلدارى ءۇشىنشى- ءتورتىنشى كلاستى تۇرعىن ءۇيدىڭ شارشى مەترى 1,5-2 مىڭ دوللارعا ساتىلسا، قازىر ولار 750 دوللارعا ءوتىپ جاتىر. ءبىر سوزبەن ايتقاندا قۇرلىس كومپانيالارى سالعان ءۇيىنىڭ وزىندىك قۇنىن عانا اقتاپ جاتىر. باسپانا تاپشىلىعىنىڭ قالىپتاسۋىنا قۇرىلىس كومپانيالارى كىنالى ەمەس. بۇگىندە قۇرىلىستىڭ ءوزى % 35-%40 قىمباتتادى. ماتەريالدار % 60 – دان % 90- عا دەيىن شارىقتاپ كەتتى»، - دەدى تالعات ەرعاليەۆ ب ا ق وكىلدەرىنە.

ونىڭ ايتۋىنشا، قۇرىلىس قۇنى % 15 - عا عانا كوتەرىلگەن.

«قيسىنعا سالىپ قاراساڭىز، قۇرىلىستىڭ ءوزى % 35-%40 قىمباتتاسا، شارشى مەتردىڭ قۇنى بار بولعانى % 15- عا قىمباتتاعاننىڭ وزىندە باعانىڭ ءوسىپ كەتكەنىن كورەمىز. كوممەرتسيالىق تۇرعىن ءۇي سالۋشىلار باعانى ءبىر تۇندە كوتەرىپ جاتقان جوق. ولار باعانى بىرتىندەپ، باياۋ كوتەرەدى. 2022 -جىلدىڭ كوكتەمىندە باسپانا باعاسى % 20-%30 وسەدى دەپ توپشىلاپ وتىرمىز. ءبىز مۇنى ناقتى بيىلعى جالداۋعا عانا سۇيەنىپ ايتىپ تۇرعان جوقپىز. بۇل قۇرىلىستىڭ بارلىق كەزەڭىن تالداۋ ارقىلى الىنعان بولجام»، - دەدى تالعات ەرعاليەۆ.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
بەيسەن سۇلتان
بەيسەن سۇلتان
954-049

مۇراعات