+7 (701) 759 90 19
USD 425.71 EUR 495.53
RUB 5.99 CNY 66.56
جاڭالىقتار

ەلوردادا تاجىك اقىنى ءابۋ ابداللا رۋداكيگە ەسكەرتكىش ورناتىلدى

24 قىركۇيەك 15:41
:ءبولىسۋ
ەلوردادا تاجىك اقىنى ءابۋ ابداللا رۋداكيگە ەسكەرتكىش ورناتىلدى

نۇر- سۇلتان. قازاقپارات - سەنات ءتوراعاسى ماۋلەن اشىمبايەۆ پەن قازاقستانعا رەسمي ساپارمەن كەلگەن تاجىكستان ولي ءماجليسى ميللي ءماجليسىنىڭ ءتوراعاسى رۋستامي ەمومالي اقىن، تاجىك جانە پارسى كلاسسيكالىق ادەبيەتىنىڭ نەگىزىن قالاۋشى ءابۋ ابداللاح رۋداكيدىڭ ەسكەرتكىشىن اشۋ راسىمىنە قاتىستى، دەپ حابارلايدى قازاقپارات.

ەسكەرتكىشتىڭ اشىلۋ سالتاناتىندا ءسوز سويلەگەن ماۋلەن اشىمبايەۆ بۇل شارا قازاقستان استاناسىنىڭ مادەني ومىرىندەگى ماڭىزدى وقيعا بولىپ وتىرعانىن جانە قازاقستان- تاجىك ىنتىماقتاستىعىنىڭ دامۋ تاريحىنا ەنەتىنىن اتاپ ءوتتى.

«قازاقستاندا ۇلى اقىن ءابۋ ابداللا رۋداكيدىڭ شىعارماشىلىق مۇراسىن جوعارى باعالايدى. ونىڭ پوەزياسى الەمدىك مادەنيەتتىڭ قازىناسىنا ەندى. ومار حايام، نيزامي، فيردوۋسي، ءدجامي جانە رۋمي سياقتى شىعىستىڭ كورنەكتى اقىندارى مەن جازۋشىلارى رۋداكيدىڭ شىعارماشىلىعىننان ءوسىپ شىقتى. بۇگىن ءبىز ونىڭ اتى بەرىلگەن كوشەدە تاجىك جانە پارسى كلاسسيكالىق ادەبيەتىنىڭ نەگىزىن قالاۋشى ابۋ ابداللاح رۋداكيگە ەسكەرتكىش اشامىز. دۋشانبەدە قازاقتىڭ ۇلى ويشىلى اباي اتىنداعى كوشە بار ەكەنىن بىلەمىز. ەكىجاقتى قارىم- قاتىناستاردا مادەني- رۋحاني بايلانىستار ءاردايىم بەرىك كوپىر جانە ىرگەتاس بولىپ قالا بەرەدى. كورنەكتى تۇلعالارىمىزدىڭ ەستەلىكتەرىن قۇرمەتتەۋ ءبىزدى قۋانتادى»، - دەدى سەنات ءتوراعاسى.


سەنات باسپا ءسوز قىزمەتىنىڭ مالىمەتىنشە، وسى كۇنى ەكى ەل پارلامەنتتەرى پالاتالارىنىڭ ءتوراعالارى قازاقستان رەسپۋبليكاسىنداعى تاجىكستان رەسپۋبليكاسىنىڭ جاڭا ەلشىلىگىنىڭ قۇرىلىس ورنىنا العاشقى تاس قالاۋدىڭ سالتاناتتى راسىمىنە قاتىستى.

اۆتور: رۋسلان عابباسوۆ


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
بەيسەن سۇلتان
بەيسەن سۇلتان
954-049

مۇراعات