ق ر پرەزيدەنتى تاجىكستاننىڭ مادجليسي ولي مادجليسي ميللي ءتوراعاسىن قابىلدادى
قازاقستان پرەزيدەنتى قازىرگى سىن- قاتەرلەر جاعدايىندا جوعارى دارەجەدە ورنىقتىلىق كورسەتىپ وتىرعان قازاق- تاجىك ىنتىماقتاستىعىنىڭ وڭ قارقىنىن اتاپ ءوتتى. بۇعان مەملەكەتتەر باسشىلارى دەڭگەيىندەگى بەلسەندى ساياسي ديالوگ جانە ۇكىمەتتەردىڭ ۇيلەسىمدى جۇمىستارى سەپتىگىن تيگىزۋدە.
قاسىم- جومارت توقايەۆ ءوزىنىڭ تاجىكستانعا رەسمي ساپارىنىڭ قورىتىندىلارى بويىنشا قول جەتكىزىلگەن ۋاعدالاستىقتار ەكىجاقتى بايلانىستاردى كەشەندى تۇردە نىعايتۋدىڭ باستى باعدارى بولاتىنىن ايتتى.
پرەزيدەنت مەملەكەتتەر باسشىلارىنىڭ تاپسىرمالارىن ىسكە اسىرۋدا ەكى ەل ۇكىمەتتەرىنىڭ بەلسەندى جۇمىس ىستەپ جاتقانىن جانە قازىردىڭ وزىندە ناقتى ناتيجەلەردىڭ بار ەكەنىن اتاپ ءوتتى. مەملەكەت باسشىسى قاسىم- جومارت توقايەۆ پرەزيدەنت ەمومالي راحمونعا جۇرەكجاردى سالەمىن جانە ۇ ق ش ۇ مەن ش ى ۇ- نىڭ جۋىردا دۋشانبەدە وتكەن سامميتتەرىن ساپالى ۇيىمداستىرعانى ءۇشىن شىنايى العىسىن جولدادى.