قۇرىلىسشىلار وداعى ەلىمىزدە قانشا ادام باسپاناعا مۇقتاج ەكەنىن مالىمدەدى
«بارلىق باعدارلامالار قىسقارىپ جاتقاندىقتان ادامداردىڭ قاراجاتقا قول جەتىمدىلىگى ناشارلاۋدا. مۇقتاج ادامداردىڭ ساناتتارى ءارتۇرلى - كوپبالالى، جەتىمدەر، اۋىلدى جەرلەردە تۇراتىن، قالاعا قونىس اۋدارعىپ، جۇمىس ىستەگىسى كەلەتىن ادامدار بار. ءبىز ولاردىڭ قالاعا اعىلۋىنا تىيىم سالا المايمىز. ونداي قۇقىعىمىز جوق. اسكەري قىزمەتشىلەر، قۇقىق قورعاۋ ورگاندارىنىڭ قىزمەتكەرلەرى كەزەككە تۇرۋعا قۇقىلى»، - دەدى تالعات ەرعاليەۆ وداقتىڭ جيىندا.
ونىڭ ايتۋىنشا، اتالمىش ماسەلەنى رەتتەۋ ءۇشىن جاڭا باعدارلامالار قاجەت.
«سوندىقتان، ادامداردىڭ بارلىق ساناتتارى ءۇشىن تۇرعىن ۇيگە قولجەتىمدىلىك تەك بەلگىلى ءبىر ساناتتاردا عانا ەمەس شارۋاشىلىق جوسپارلاۋ كاسىپورىندارىندا جۇمىس ىستەيتىن جەكە سەكتور وكىلدەرىنە، مۇمكىندىگى جوق كاسىپكەرلەرگە دە ارنالعان باعدارلامالار ازىرلەۋ قاجەت. حالىقتىڭ باسپاناعا مۇقتاجدىعىن قاناعاتتاندىرۋ ءۇشىن جان- جاقتى قولداۋ كەرەك»، - دەيدى مامان.
ول، سونداي-اق، باسپاناعا مۇقتاج ادامداردىڭ جالپى سانى تۋرالى مالىمەت ايتتى.
«تۇرعىن ۇيگە مۇقتاج ادامدار تۋرالى ايتساق، بۇل شامامەن 2 ميلليون ادامداي بولادى. جالاقىدان جالاقىعا دەيىن ءومىر سۇرەتىن ادامدارعا قارجىلاندىرۋ قاجەت. ايتالىق، باستاپقى جارنانى %5 مولشەرىندە، ال قالعان قارىزدى ولار 15-20 جىل ىشىندە تولەي الاتىنداي باعدارلاما قاجەت»، - دەپ تۇيىندەدى قازاقستان قۇرىلىسشىلار وداعىنىڭ باسشىسى.