وڭتۇستىك كورەيادا كوروناۆيرۋس جۇقتىرۋ قاۋىپتى دەڭگەيگە جەتتى

None
None
سەۋل. YONHAP. قازاقپارات - وڭتۇستىك كورەيادا كوروناۆيرۋس جۇقتىرۋدىڭ كۇن سايىنعى سانى جۇما كۇنى رەكوردتىق دەڭگەي - 2434 كە جەتىپ، 10-تامىزدا تىركەلگەن بۇرىنعى انتيرەكوردتى (2221 وقيعا) جاڭارتقان، دەپ حابارلايدى قازاقپارات YONHAP اگەنتتىگىنە سىلتەمە جاساپ.

تۇرعىنداردىڭ چحۋسوك مەرەكەسى (وڭتۇستىك كورەياداعى العىس ايتۋ كۇنى) كەزىندە جاپپاي ءجۇرۋى كوروناۆيرۋستىڭ بۇكىل ەل بويىنشا جىلدام تارالۋىنا سەبەپ بولدى. ەلدىڭ دەنساۋلىق ساقتاۋ ورگاندارى دۇيسەنبىدەن سەنبىگە دەيىن بولعان چحۋسوك كەزىندە ميلليونداعان وڭتۇستىك كورەيالىق ازاماتتاردىڭ تۋعان قالالارىنا جول تارتۋىنان كەيىن ۆيرۋس جۇقتىرۋدىڭ كۇن سايىنعى ءوسىمىن بولجاعان ەدى.

كورەيانىڭ اۋرۋلاردى قاداعالاۋ جانە الدىن الۋ اگەنتتىگىنىڭ (KDCA) مالىمەتىنشە، ەلدە كوروناۆيرۋس ۆيرۋسىن جۇقتىرۋدىڭ 2434 جاڭا وقيعاسى تىركەلگەن، سونىڭ ىشىندە 2416 سى - جەرگىلىكتى ينفەكسيا جاعدايلارى. اۋرۋ جۇقتىرۋ وسىمىنە بايلانىستى، ەلدە ىندەتكە شالدىققانداردىڭ جالپى سانى 295132 ادامعا جەتكەن. ەلدە ءبىر كۇندە كوروناۆيرۋستان تاعى جەتى ادام قايتىس بولعانى حابارلاندى. قاۋىپتى ىندەتتەن كوز جۇمعانداردىڭ جالپى سانى 2434 ادامعا جەتتى.

اۆتور: زارينا تۋعانبايەۆا

سوڭعى جاڭالىقتار