+7 (701) 759 90 19
USD 431.07 EUR 485.51
RUB 5.69 CNY 67.47
جاڭالىقتار

فۋتزالدان الەم چەمپيوناتى: قازاقستان شيرەك فينالعا جولداما الدى

24 قىركۇيەك 07:43
:ءبولىسۋ
فۋتزالدان الەم چەمپيوناتى: قازاقستان شيرەك فينالعا جولداما الدى

نۇر- سۇلتان. قازاقپارات - قازاقستان قۇراماسى فۋتزالدان الەم چەمپيوناتى شيرەك فينالىنا جولداما الدى، دەپ حابارلايدى قازاقپارات ءتىلشىسى.

قازاقستاندىق سپورتشىلار بۇگىن 1/8 فينالدا تايلاند قۇراماسىمەن كەزدەستى. توپتىق كەزەڭدە قازاقستان قۇراماسى كوستا- ريكادان 6:1, ليتۆادان 3:0 ەسەبىمەن باسىم بولدى. ال ۆەنەسۋەلامەن 1:1 ەسەبىمەن تەڭ ءتۇستى.

بۇگىنگى ويىن بارىسىندا قازاقستاندىق فۋتزالشىلاردىڭ باسىمدىعى بايقالىپ تۇردى. العاشقى مينۋتتان تىزگىندى قولعا الۋعا تىرىسقان ولار كوپ ۇزاماي ەسەپ اشتى. ويىننىڭ 3-مينۋتىندا داۋرەن تۇرساعۇلوۆ مەرگەندىك تانىتتى. ودان كەيىن 4-مينۋتتا دۋگلاس قازاقستاندىق قۇرامانىڭ باسىمدىعىن ارتتىرا ءتۇستى. بۇدان كەيىن چايۆات دجامگرادجانگ 19-مينۋتتا اۆتوگول اۆتورى اتاندى. ەكىنشى كەزەڭدە 24-مينۋتتا تاينان مەن داۋرەن نۇرعوجين ەكى گول سوعىپ كەتتى. ال 32-مينۋتتا ارنولد كناۋب قارسىلاستار قاقپاسىنىڭ تورىن بۇلك ەتكىزدى. ويىننىڭ 38-مينۋتىندا قازاقستاندىق قاقپاشى يگيتا قارسىلاس قۇرامانىڭ بوس تۇرعان قاقپاسىنا گول سوعىپ كەتتى. قازاقستان قارسىلاسىنان 7:0 ەسەبىمەن باسىم ءتۇستى.

ەندى قازاقستاندىقتار شيرەك فينالدا وزبەكستان جانە يران جۇبىنىڭ جەڭىمپازىمەن كەزدەسەدى. 1/8 فينالداعى تاعى ءبىر كەزدەسۋدە ارگەنتينا پاراگۆايدى 6:1 ەسەبىمەن جەڭدى. ايتا كەتسەك، 22 قىركۇيەكتە رەسەي ۆەتنامدى، ماروككو ۆەنەسۋەلانى 3:2 ەسەبىمەن جەڭىپ، شيرەك فينالعا شىققان بولاتىن. ەندى 24 قىركۇيەكتە وزبەكستان مەن يران، يسپانيا مەن چەحيا، پورتۋگاليا مەن سەربيا قۇرامالارى شەبەرلىك بايقاسادى. قازاقستان قۇراماسى بۇدان بۇرىن الەم چەمپيوناتى فينالدىق ساتىسىندا ەكى مارتە باق سىنادى. 2000 -جىلى ءبىرىنشى كەزەڭنەن اسا الماسا، 2016 -جىلى 1/8 فينالعا دەيىن جەتتى. الەم چەمپيوناتىنىڭ فينالى 3-قازانعا بەلگىلەنگەن.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات