قىتاي كومىردەن باس تارتادى

نۇر-سۇلتان.قازاقپارات - قىتاي باسشىسى شي جينپين بۇدان بىلاي شەتەلدە كومىرمەن جۇمىس ىستەيتىن جاڭا ەنەرگەتيكالىق جوبالاردىڭ قۇرىلىسىن قارجىلاندىرمايتىنىن مالىمدەدى.

وسىلايشا، بەيجىڭ بيلىگى بىرىككەن ۇلتتار ۇيىمىنىڭ باس اسسامبلەياسىندا قاتارىنان ەكىنشى جىل الەمدى تاڭعالدىردى.

قىتاي يندونەزيا مەن بانگلادەش سەكىلدى دامۋشى ەلدەردە كومىر قولدانۋ ارقىلى جۇزەگە اساتىن جوبالاردى قولداپ كەلگەن. سوعان بايلانىستى اۋاعا پارنيكتىك گازدار شىعارىلىمىن ازايتۋ بويىنشا پاريج كليماتتىق كەلىسىمىندە كورسەتىلگەن مىندەتتى ورىنداۋ ماسەلەسىندە ءجيى سىنعا ۇشىراعان.

شي جينپين مۇنداي مالىمدەمە جاساعان العاشقى باسشى ەمەس. بيىل جىل باسىندا وڭتۇستىك كورەيا مەن جاپونيا وسىعان ۇقساس قادامعا بارعان ەدى.

«قىتاي باسقا دامۋشى ەلدەرگە جاسىل جانە كومىرتەگى از ەنەرگيانى دامىتۋعا قولداۋدى كۇشەيتەدى. سونداي- اق شەتەلدە كومىر ارقىلى جۇمىس ىستەيتىن جاڭا جوبالار سالمايدى» ، دەدى شي ب ۇ ۇ- نىڭ جىل سايىنعى جينالىسىندا.

بۇعان دەيىن جيىن بارىسىندا امەريكا قۇراما شتاتتارىنىڭ پرەزيدەنتى دجو بايدەن 2024 -جىلعا قاراي كەدەي ەلدەرگە قارجىلىق كومەكتى ەكى ەسە ۇلعايتۋ تۋرالى جوسپارىن جاريالاعان.

ا ق ش- تىڭ كليمات جونىندەگى وكىلى دجون كەرري قىتاي باسشىسىنىڭ مالىمدەمەسىن جىلى قابىلداپ، ونى «ۇلكەن ۇلەس» دەپ باعالادى.

«ءبىز بۇل تۋرالى قىتايمەن ءبىراز ۋاقىت سويلەستىك. مەن شي جينپيننىڭ وسىنداي ماڭىزدى شەشىم قابىلداعانىن ەستىگەنىمە وتە قۋانىشتىمىن»، دەدى كەرري.

COP 26-نى باسقاراتىن بريتاندىق مينيستر الوك شارما دا قىتاي باسشىسىنىڭ مالىمدەمەسىن جوعارى باعالادى.

«مەن شي جينپيننىڭ شەتەلدە جاڭا كومىر جوبالارىن قۇرۋدى توقتاتۋ تۋرالى مىندەتتەمەسىن قۇپتايمىن. قىتايعا ساپار بارىسىندا وسى ماسەلەگە باسا نازار اۋداردىق»، دەدى ا. شارما.

egemen.kz