الماتىداعى اتىس: كۇدىكتى ەكى ايعا قاماۋعا الىندى

الماتى. قازاقپارات - الماتىدا بەس ادامدى اتىپ ولتىرگەن كۇدىكتى ەكى ايعا قاماۋعا الىندى، دەپ حابارلايدى قازاقپارات ءتىلشىسى.

الماتى قالاسى مامانداندىرىلعان اۋدانارالىق تەرگەۋ سوتى يگور دۋجنوۆقا قاتىستى شەشىم شىعاردى. كۇدىكتى ەكى ايعا قاماۋعا الىندى.

ەسكە سالايىق، 20- قىركۇيەك كۇنى الماتىدا اتىس بولىپ، 5 ادام قازا تاپتى. جەكە ۇيلەردىڭ بىرىنە كەلگەن سوت ورىنداۋشىعا، ۋچاسكەلىك پوليتسيا ينسپەكتورلارىنا ءۇي يەسى — 1967 -جىلى تۋعان ازامات وق اتتى. قىزمەت بارىسىندا بەس ادام، ونىڭ ىشىندە ەكى پوليتسيا قىزمەتكەرى وقتان جاراقات الىپ، كوز جۇمدى.

قازا تاپقان پوليتسەيلەردىڭ ءبىرىنىڭ ارتىندا 5 جانە ەكىنشىسىنىڭ ارتىندا 2 بالاسى قالدى.

كەيىنىرەك جەكە سوت ورىنداۋشىلارىنىڭ پالاتاسى وقيعاعا قاتىستى تۇسىنىكتەمە بەردى.

الماتى قالالىق سوتى بىرنەشە ادام ولىمىنە كىنالى تۇرعىننىڭ داۋلى ىسىنە قاتىستى تۇسىنىكتەمە بەردى.

«بانك سەنتركرەديت» ا ق ءىس بويىنشا بارلىق قاجەتتى قۇجاتتى ۇسىناتىندارىن جانە زارداپ شەككەندەردىڭ تۋىستارىنا جان-جاقتى كومەك كورسەتەتىندەرىن جەتكىزدى.

اتالعان جاعداي بويىنشا سوتقا دەيىنگى تەرگەۋ امالدارى باستالدى. كىنالى ادام 20 جىلعا دەيىن نەمەسە ءومىر بويىنا باس بوستاندىعىنان ايىرىلۋى مۇمكىن .