الماتى ورتالىعىنداعى ءورت: پوليتسيا تەرگەۋدى باستادى

الماتى. قازاقپارات - الماتىدا ءتورت قاباتتى تۇرعىن ۇيدەن شىققان ءورتتى پوليتسيا تەكسەرەدى، دەپ حابارلايدى قازاقپارات ءتىلشىسى.

الماتى قالالىق پوليتسيا دەپارتامەنتىنىڭ مالىمەتىنشە، 17- قىركۇيەكتە ورتەنگەن ءتورت قاباتتى ءۇي تۋرالى ماتەريالدار مەدەۋ اۋداندىق پوليتسيا باسقارماسىنا بەرىلگەن.

«بارلىق قاجەتتى ساراپتاما تاعايىندالدى، ونىڭ قورىتىندىسى بويىنشا پروتسەسسۋالدىق شەشىم قابىلدانادى»، - دەپ حابارلادى پوليتسيادان.

بۇعان دەيىن ن. نازاربايەۆ داڭعىلىندا ورنالاسقان كوپقاباتتى ۇيلەردىڭ بىرىنەن ءورت شىعىپ، تۇرعىنداردىڭ ەۆاكۋاتسيالانعانى تۋرالى جازعانبىز. كەيىن ءورت 1500 شارشى مەتر اۋماقتى شارپىعانى بەلگىلى بولدى.

ايتا كەتەيىك، قىزىل جالىندى اۋىزدىقتاۋعا 28 تەحنيكا مەن جەكە قۇرامىنان 90 نان استام ادام جۇمىلدىرىلدى. وقيعا ورنىندا ارنايى شتاب قۇرىلىپ، كوشە تولىق جابىلدى.