الماتىدا بەس ادامدى اتىپ ولتىرگەن كۇدىكتى تۋرالى جاڭا دەرەكتەر شىقتى
بۇل تۋرالى الماتى قالالىق سوتى ءمالىم ەتتى، دەپ حابارلايدى قازاقپارات ءتىلشىسى.
«2014-2021-جىلدارى يگور دۋجنوۆ التى ازاماتتىق ءىس بويىنشا سوتتا جاۋاپكەر بولدى. ول ۇزاق ۋاقىت بويى قارىزىن وتەمەگەن. سوندىقتان ەكى ادام ودان جالپى سوماسى 6,5 ميلليون تەڭگە قارىزدى ءوندىرىپ الۋ ءۇشىن جۇگىنگەن. سونىمەن قاتار، ج ش س بەس ميلليون تەڭگەنى قايتارۋ تۋرالى جانە بانك 118 ميلليون تەڭگەنى قايتارۋ تۋرالى تالاپ ارىز بەرگەن»، - دەپ حابارلادى الماتى قالالىق سوتىنىڭ باسپا ءسوز قىزمەتى.
الماتى قالالىق سوتى مالىمەتىنە سۇيەنسەك، ءۇش ىسكە قاتىستى سوت شەشىم شىعاردى.
سول بويىنشا دۋجنوۆتان 130 ميلليونعا جۋىق تەڭگە وندىرىلگەن. ءبىراق ول تاعى ءۇش ءىس بويىنشا ايىپتالدى.
بۇل بانكتىڭ «مۇلىكتى ءوندىرىپ الۋ تۋرالى» تالابى، سونىمەن قاتار ازاماتتاردىڭ «ەرلى-زايىپتىنىڭ ورتاق قارىزى رەتىندە سومانى تانۋ جانە ونىڭ وتباسىن شىعارۋ تۋرالى» ەكى تالابى. «سوت ورىنداۋشىلار 27 رەت سوتقا جۇگىندى. ولار دۋجنوۆتىڭ مۇلكىنە تىيىم سالۋدى جانە اقشانى ماجبۇرلەپ قايتارۋ ءۇشىن باسقا دا شارالاردى قولدانۋدى تالاپ ەتتى.
سوت ورىنداۋشىلارى بورىشكەردىڭ ورتاق مەنشىكتەگى ۇلەسىن انىقتاۋدى سۇرادى. سونىمەن قاتار، ولار سوت شەشىمىن ورىنداۋ ءۇشىن ءادىس پەن پروتسەدۋرانى وزگەرتۋدى سۇرادى»، - دەپ اتاپ ءوتتى الماتى سوتى.
ايتا كەتەيىك، 20- قىركۇيەك كۇنى الماتىدا اتىس بولىپ، 5 ادامنىڭ قازا تاپقانىن حابارلاعان بولاتىنبىز. اتالعان جاعداي بويىنشا سوتقا دەيىنگى تەرگەۋ امالدارى باستالدى. كىنالى ادام 20 جىلعا دەيىن نەمەسە ءومىر بويىنا باس بوستاندىعىنان ايىرىلۋى مۇمكىن.