اسەت ەرعاليەۆ ينفلياتسيا مەن ەكونوميكالىق ءوسىم تۋرالى بولجامىن ايتتى

نۇر-سۇلتان. قازاقپارات - ۇكىمەت ۇيىندە وتكەن بريفينگىدە ق ر ۇلتتىق ەكونوميكا ءمينيسترى اسەت ەرعاليەۆ ينفلياتسيانىڭ ەكونوميكالىق وسىمگە قالاي قىسىم جاساۋى مۇمكىن ەكەنىن بولجادى، دەپ حابارلايدى قازاقپارات ءتىلشىسى.

«وزدەرىڭىز بلىەسىزدەر، رەسپۋبليكالىق بيۋجەت پارلامەنت قاراۋىندا جاتىر. رەسپۋبليكالىق بيۋجەتتىڭ بولجامدارى ماكروەكونوميكالىق بولجامدارمەن، سەناريلەرمەن تىكەلەي بايلانىستى. ونى دا پارلامەنتكە ەنگىزگەنبىز. ءبىز كەلەسى جىلى ەكونوميكانىڭ ءوسىمى 3,9 پايىز بولادى دەپ بولجاپ وتىرمىز. ال ينفلتسيا دەڭگەيى 4-6 پايىز دالىزىندە ساقتالادى دەلىنىپ وتىر»، - دەدى مينيستر.

شارادا قارجى ءمينيسترى دەپۋتاتتاردىڭ سىنىنا جاۋاپ بەردى.

«قارجى مينيسترلىگى كەز كەلگەن كونسترۋكتيۆتى سىندى قالىپتى قابىلدايدى. ءبىز ارقاشان ديالوگقا دايىنبىز. ءبىراق بۇل جەردە موراتوريدى الىپ تاستاۋ تۋرالى ءسوز جوق. موراتوري پرەزيدەنت جارلىعى بويىنشا 2023-جىلدىڭ 1- قاڭتارىنا دەيىن ساقتالادى. قارجى مينيسترلىگى جوسىقسىز كاسىپكەرلەردى جاۋاپقا تارتۋ بولىگىندە عانا ماسەلە كوتەرگەن بولاتىن. بىرنەشە مىسال كەلتىرەيىن: وتكەن جىلى ساۋدا وپەراتسيالارى كەزىندە تۇبىرتەك بەرىلمەگەنى تۋرالى 19 مىڭنان استام شاعىم ءتۇستى. تاعى ءبىر مىسال: ءبىز جۇيەدە ونلاين باقىلاۋ-كاسسالىق ماشينالارىن قولداناتىن كاسىپكەرلەردىڭ 50 پايىزى ۇدايى تۇبىرتەك بەرمەيتىنىن كورىپ وتىرمىز»، - دەدى قارجى ءمينيسترى.