ۇلتتىق قوردان بەرىلەتىن ترانسفەرتتەردى باقىلاۋ كۇشەيتىلەدى - ءاليحان سمايىلوۆ
«مەملەكەتتىك قارجىنىڭ تيىمدىلىگىن ارتتىرۋ جانە ۇلتتىق قوردىڭ اكتيۆتەرىن قالپىنا كەلتىرۋ ماقساتىندا ارنايى مەملەكەتتىك قارجىنى باسقارۋ تۇجىرىمداماسى قابىلدانادى. ول بيۋدجەت ساياساتىن، مەملەكەتتىك بورىشتى باسقارۋ، سونداي- اق ۇلتتىق قوردىڭ قاراجاتىن قالىپتاستىرۋ جانە پايدالانۋ ماسەلەلەرىن قامتيدى. مەملەكەتتىك شىعىستاردىڭ تيىمدىلىگىن جانە ۇلتتىق قوردان بەرىلەتىن ترانسفەرتتەردى باقىلاۋ كۇشەيتىلەدى»، - دەدى ءبىرىنشى ۆيتسە- پرەمەر.
وسى رەتتە ول تۇجىرىمدامانىڭ نەگىزگى تاسىلدەرى رەتىندە مەملەكەتتىك بورىشتىڭ ءوسۋىن شەكتەۋ جانە ونى قاۋىپسىز دەڭگەيدە ۇستاپ تۇرۋ ءۇشىن بيۋدجەت تاپشىلىعىن كەزەڭ- كەزەڭىمەن تومەندەتۋ؛
بورىش تۇراقتىلىعىنىڭ نەگىزگى كورسەتكىشتەرىن بەلگىلەۋ؛
بارىنشا ەكونوميكالىق تيىمدىلىككە قول جەتكىزۋ ءۇشىن كەلەسى شارالاردى ايقىنداۋ ۇسىنىلعانىن ايتتى.
«بيۋدجەت كىرىستەرىن ۇلعايتۋ بولىگىندە كولەڭكەلى ەكونوميكاعا قارسى ءىس- قيمىل جونىندەگى ءىس- شارالار جوسپارى ىسكە اسىرىلۋدا. جوسپاردا بيزنەستى كولەڭكەدەن شىعۋعا ىنتالاندىرۋعا، سالىق جانە كەدەن تولەمدەرىن تولەۋدەن جالتارۋعا قارسى كۇرەستى كۇشەيتۋگە باعىتتالعان ءىس- شارالار كوزدەلگەن. سونداي- اق، ارتىق توسقاۋىلداردى الىپ تاستاۋ جانە زاڭسىز ساۋدا اينالىمىنا قارسى ءىس- قيمىل بويىنشا اۋقىمدى ءىس- شارالار جۇرگىزىلۋدە»، - دەدى ءاليحان سمايىلوۆ.
اۆتور: مارلان جيەمباي