17:26, 23 - قىركۇيەك 2021 | GMT +6
پاتەرگە ادام تىركەلگەنى تۋرالى س م س- حابارلاما كەلەدى
نۇر- سۇلتان. قازاقپارات - ەلدە تۇرعىلىقتى مەكەن- جاي بويىنشا تىركەۋگە تۇرۋدىڭ ءتارتىبى وزگەردى. ەندى ءۇي يەسىنە تىركەۋگە قويعان ازامات تۋرالى مالىمەت ونىڭ ۇيالى تەلەفونىنا س م س- حابارلاما تۇرىندە جىبەرىلەدى.
ال ەگەر تىركەۋدەن شىعارىپ تاستاسا، ول تۋرالى دا ەكىنشى ادامعا ءدال سولاي ەسكەرتىلەدى. بۇل تۋرالى ازاماتتارعا ارنالعان ۇكىمەت مەملەكەتتىك كورپوراتسياسىنىڭ وكىلدەرى حابارلادى.
مامانداردىڭ ايتۋىنشا، بۇل «رەزەڭكە پاتەر» پروبلەماسىن شەشۋى ءتيىس. ياعني بۇعان دەيىن تۇرعىندار تاراپىنان بازبىرەۋلەردىڭ ونىڭ پاتەرىنە رۇقساتسىز تىركەۋگە قويىلعانى جايىندا شاعىمدار كوپ تۇسكەن. سونداي- اق پايدا تابۋ ماقساتىندا تىركەۋگە قويىپ بەرەم دەۋشى الاياقتاردىڭ دا قۇيتىرقىلىعىنا توسقاۋىل قويىلماق.
www.24.kz