باۋىرجان سالىمگەرەيەۆ: ءىرى ويىنشىلارعا ديزەل جەتپەسە، يمپورت جاعىن ويلاستىرۋ كەرەك

نۇر- سۇلتان. قازاقپارات - ديزەل وتىنىن تۇتىناتىن ءىرى كاسىپورىندار قاجەت وتىندى رەسەيدەن باجسىز يمپورتتاۋ مۇمكىندىگىن پايدالانعانى ءجون.

ق ر ەنەرگەتيكا مينيسترلىگى مۇناي تاسىمالداۋ جانە وڭدەۋ دەپارتامەنتىنىڭ ديرەكتورى باۋىرجان سالىمگەرەيەۆ ورتالىق كوممۋنيكاتسيالار قىزمەتىندە وسىنداي پىكىر ءبىلدىردى، دەپ حابارلايدى قازاقپارات ءتىلشىسى.

«ديزەل وتىنىنىڭ جەتكىزىلىمىندە ىركىلىس بولدىرماۋ ءۇشىن تاۋ- كەن مەتاللۋرگيا كەشەنى مەن جەر قويناۋىن پايدالانۋشىلارعا، سونداي- اق، جانارماي قۇيۋ ستانسالارىنىڭ جەلىسىن ۇستاۋشىلارعا جانارمايدىڭ تاپشى كولەمىن يمپورتتاۋدى ويلاستىرۋ قاجەت. باجسىز يمپورت تەڭگەرىمى بويىنشا رەسەي فەدەراتسياسىنان قازاقستانعا بيىل 530 مىڭ تونناعا دەيىن جانارماي كىرگىزۋگە بولادى. جىل باسىنان بەرگى 8-ايدا 145 مىڭ توننا جانارماي يمپورتتالدى. ياعني، جىل سوڭىنا دەيىن 385 مىڭ توننا يمپورتتاۋعا بولادى. بۇگىنگى كۇنى يمپورت بويىنشا ەشقانداي شەكتەۋلەر جوق»، - دەدى ەكرگەتيكا مينيسترىگىنىڭ وكىلى.

ونىڭ ايتۋىنشا، مينيسترلىك رەسەي فەدەراتسياسىنداعى ارىپتەستەرىمەن قاجەتتى كولەمدە ديزەل يمپورتتاۋ ماسەلەسىن پىسىقتاپ جاتىر.

اۆتور: ەسىمجان ناقتىباي