كوروناۆيرۋس وكپە مەن جۇرەك- قان تامىر جۇيەسىنە اسەر ەتەدى- رەابيليتولوگ
ايگۇل سولتانبەكتىڭ ايتۋىنشا، اۋرۋدىڭ الدىن الۋ وتە ماڭىزدى جانە بۇل ءۇشىن ماسكا رەجيمىن ساقتاۋ قاجەت. ازاماتتار حالىق كوپ جينالاتىن جەرلەردە ماسكا كيىپ، ولاردى دۇرىس كيۋدى ادەتكە اينالدىرۋى قاجەت. سونىمەن قاتار، ول اۋرۋعا شالدىققانداردىڭ بارلىعى وڭالتۋدان وتۋلەرى ءتيىس ەكەنىن تىلگە تيەك ەتتى. ءتىپتى، دەرت جەڭىل وتسە دە.
«جالپى العاندا، ءار ناۋقاس ساۋىعىپ كەتۋى مۇمكىن، بۇل ۇكىم ەمەس. ءبىز كوروناۆيرۋستىڭ وكپە مەن جۇرەك- قان تامىر جۇيەسىنە اسەر ەتەتىنىن ءجيى بايقايمىز. سوندىقتان وڭالتۋ ەمدەلۋ كەزەڭىندە باستالادى جانە شىعارىلعاننان كەيىن جالعاسادى - ەمحانادا نەمەسە ۇيدە. وڭالتۋدىڭ قارسى كورسەتىلىمدەرى بار، سوندىقتان ءار ناۋقاس ءۇشىن ناقتى شارالاردى ەمدەۋشى دارىگەر انىقتايدى. ءسىز اۋىر اۋرۋدان كەيىن دە ساۋىعىپ كەتە الاسىز»، - دەدى دارىگەر.
ايگۇل سولتانبەك ناۋقاستادىڭ وكپەسى % 10 عانا زاقىمدالعانىمەن، دەرتتىڭ اۋىر بولۋى مۇمكىن ەكەنىن اتاپ ءوتتى.
«دارىگەرلەر وكپەنىڭ زاقىمدانۋ دارەجەسىنە ەمەس، اعزانىڭ رەزەرۆىنە نازار اۋدارادى. ءبىز وكپەنىڭ عانا ەمەس، باسقا مۇشەلەر مەن جۇيەلەردىڭ زاقىمدالۋىن دا ەمدەيمىز»، - دەپ تولىقتىردى رەابيليتولوگ.
كوروناۆيرۋس ينفەكسياسىنان كەيىن ناۋقاستاردا پنيەۆموسكلەروز مەن وكپە فيبروزى قاۋپى جوعارى بولادى.
«ءبىزدىڭ ەمحانا ەمدەلۋدىڭ ءۇشىنشى كەزەڭىمەن اينالىسادى، بۇل وكپەنىڭ قالپىنا كەلۋ كەزەڭى. ساۋ كۇيدە ولار سەرپىندى جانە دەم الاتىن بولۋى كەرەك، ال فيبروز كەزىندە تىرتىقتار پايدا بولادى، سوندىقتان رەابيليتولوگ دارىگەرلەر جەكە ەم تاعايىندايدى»، - دەدى ول.
وكپەنىڭ جۇمىسىن جاقسارتۋ جانە قانداعى وتتەگىنىڭ قانىقتىلىعىن كوتەرۋ ءۇشىن ەمحانادا تىنىس الۋ كەشەندەرى مەن دەنەشىنىقتىرۋدىڭ ارنايى باعدارلامالارى جاسالدى. رەابيليتولوگ دارىگەر الماتى تۇرعىندارىن ۆاكسينالاۋعا شاقىردى.
«ۆاكسينالانعان ادامنىڭ اۋرۋى الدەقايدا جەڭىل. مۇنداي ناۋقاستاردىڭ يممۋندىق جۇيەسى جۇمىلۋعا قابىلەتتى جانە تەزىرەك ساۋىعۋعا ىقپال ەتەدى. ۆاكسينالار يممۋنيتەتتى تومەندەتپەيتىنىن، كەرىسىنشە ونى كوتەرەتىنىن بىلگەن ءجون. ۆ توبىنداعى ۆيتاميندەر مەن امينقىشقىلدار دا دەنەنى قالپىنا كەلتىرۋگە كومەكتەسەدى»، - دەدى سپيكەر.