«بوسقىنداردى قابىلداۋعا ءۇزىلدى- كەسىلدى قارسىمىن» - قازاقستانداعى اۋعان دياسپوراسىنىڭ باسشىسى

نۇر- سۇلتان. قازاقپارات - قازاقستانعا اۋعانستاننان بوسقىندار بۇعان دەيىن دە كەلگەن.

بۇل 1990 -جىلداردىڭ باسىندا اۋعانستان حالىقتىق دەموكراتيالىق پارتياسىنىڭ ۇكىمەتى قۇلاعان كەزدە بولدى. 8000 بوسقىننىڭ 3000-نان استامى ءبىزدىڭ ەلدە قالدى. بۇل تۋرالى قازاقستان حالقى اسسامبلەياسى جانىنداعى «اريانا» اۋعان ورتالىعىنىڭ ءتوراعاسى ۆاستوك احمادۋللا ايتىپ بەردى. ولاردىڭ كوپشىلىگىنە ول ءوزى كومەكتەسكەن.

بۇل قايتالانۋى مۇمكىن بە؟ اۋعان بوسقىندارىن قابىلداۋ كەرەك پە؟ ال سوعىس قيمىلدارى ورتالىق ازيا ەلدەرىنە تاراي ما؟ ۆاستوك احمادۋللا Tengrinews.kz ءتىلشىسى سۇراقتارىنا جاۋاپ بەردى.

- قازاقستان اۋعاندارعا قانداي قولداۋ كورسەتە الادى؟

ۆاستوك احمادۋللا:

- كەزىندە كەڭەس وداعى اۋعانستانعا كومەكتەسىپ، گۋمانيتارلىق كومەك كورسەتتى. قازاقستان تاۋەلسىزدىك العاننان كەيىن وسى كۇنگە دەيىن كومەكتەسىپ كەلەدى. ەڭ باستىسى، ەلباسى نۇرسۇلتان ءابىش ۇلى نازاربايەۆ اۋعان ستۋدەنتتەرىن وقىتۋعا 50 ميلليون دوللار ءبولدى. مىڭداعان اۋعان ستۋدەنت قازاقستان رەسپۋبليكاسىنىڭ ورتا جانە جوعارى وقۋ ورىندارىندا وقىدى. ءبىراق قازىر ايتايىن دەگەنىم، اۋعانداردى اياۋدىڭ قاجەتى جوق، ءوز حالقىمىزدى اياۋ كەرەك.

ەگەر قازاقستان كومەكتەسكىسى كەلسە، وندا سول تۇردە بەرۋگە بولادى. بوسقىنداردى اكەلۋ جانە قابىلداۋ قاۋىپتى. بۇل ولارعا دا، حالىققا دا زيان بولادى. ويتكەنى اراسىندا كىم بار ەكەنىن انىقتاۋ قيىن. ەشكىم راديكال ۇيىم وكىلىن قايتا تاربيەلەي المايدى. سوندىقتان مەن قازاقستاننىڭ پاتريوتى جانە ازاماتى رەتىندە، قوعامدىق قىزمەتپەن اينالىساتىن ادام رەتىندە بوسقىنداردى قابىلاۋعا ءۇزىلدى- كەسىلدى قارسىمىن، بۇل قازاقستانعا زيان تيگىزەدى. مەن كەز كەلگەن بوسقىنعا قارسىمىن.

ادام رەسمي تۇردە ءوتىنىش بەرگەندە نەمەسە بيزنەسمەن بيزنەس- جوبا جۇرگىزۋگە كەلگەندە نەمەسە قىسىمعا ۇشىراعان ايەلدەر كەلسە، بۇل بولەك جاعداي. «تاليبان» مينيسترلەر كابينەتىنىڭ قۇرامى جاريالاندى، ايەلدەر ءىسى مينيسترلىگى جوق. ولار ايەلدى ادام سانامايدى. تالىپتەر اناسىن قۇرمەتتەمەيدى. ەگەر ادام اناسىن سىيلاماسا، وندا ونى ادام دەۋ قيىن. تالىپتەردى ادام دەپ ايتۋ قيىن.