+7 (701) 759 90 19
USD 426.32 EUR 496.24
RUB 6.04 CNY 66.74
جاڭالىقتار

د د ۇ باسشىسى: اۋعانستاننىڭ دەنساۋلىق ساقتاۋ جۇيەسى تولىق كۇيرەۋ الدىندا تۇر

23 قىركۇيەك 11:05
:ءبولىسۋ
د د ۇ باسشىسى: اۋعانستاننىڭ دەنساۋلىق ساقتاۋ جۇيەسى تولىق كۇيرەۋ الدىندا تۇر

نۇر- سۇلتان. قازاقپارات - كابۋلدا جۇمىس ساپارىمەن جۇرگەن د د س ۇ باسشىسى تەدروس گەبرەيەسۋس حالىقارالىق قاۋىمداستىققا اۋعانستاننىڭ بۇكىل ۇلتتىق دەنساۋلىق ساقتاۋ جۇيەسى تولىعىمەن كۇيرەۋى مۇمكىن ەكەنىن ەسكەرتتى.

بۇل سەناريدى بولدىرماۋ ءۇشىن ب ۇ ۇ شۇعىل كومەك قورىنان 45 ميلليون دوللار ءبولدى، دەپ حابارلايدى قازاقپارات ب ۇ ۇ جاڭالىقتار ورتالىعىنا سىلتەمە جاساپ.

كابۋلدا سويلەگەن سوزىندە دۇنيەجۇزىلىك دەنساۋلىق ساقتاۋ ۇيىمىنىڭ باسشىسى دوكتور تەدروس ادحانوم گەبرەيەسۋس بۇگىندە اۋعان دارىگەرلەرىنە «كىمدى امان الىپ قالاتىنىن جانە كىمدى قۇتقارمايتىنىن» تاڭداۋعا تۋرا كەلەدى. ويتكەنى ولاردىڭ بارلىق مۇقتاج ادامعا كومەكتەسۋگە مۇمكىندىكتەرى جوق ەكەنىن ايتتى.

ول «تاليبان» قوزعالىسىنىڭ وكىلدەرىمەن - اۋعانستاننىڭ جاڭا بيلىگىمەن، سونداي- اق مەديتسينالىق قىزمەتكەرلەرمەن جانە پاتسيەنتتەرمەن كەزدەسكەننەن كەيىن وسىنداي قورىتىندىعا كەلدى. قارجىلىق قولداۋسىز مىڭداعان مەديتسينالىق مەكەمە قاجەتتى كەرەك- جاراقتاردى ساتىپ الا المايدى، ال دارىگەرلەرگە جالاقى تولەنبەيدى. ءدارى- دارمەكتەرمەن قامتاماسىز ەتۋدە ايتارلىقتاي پروبلەمالار تۋىنداعان، اتاپ ايتساق، جەتكىزۋ تىزبەگى بۇزىلعان.

كوروناۆيرۋستىڭ تارالۋى اياسىندا كوۆيد ناۋقاستارىنا قىزمەت كورسەتەتىن 37 اۋرۋحانانىڭ توعىزى جابىلعان. قىسقارتۋلار اۋرۋ جۇقتىرعانداردى انىقتاۋ مەن ناۋقاستارمەن بايلانىستا بولعانداردى ىزدەۋدەن باستاپ ۆاكسيناتسياعا دەيىنگى پاندەميامەن كۇرەسۋدىڭ بارلىق جاعدايىنا اسەر ەتتى.

د د س ۇ باسشىسى اۋعانستانداعى ايەلدەر مەن قىزداردىڭ قۇقىقتارى ماسەلەسىنە نازار اۋداردى.

«ەلدە مەديتسينالىق مەكەمەلەردىڭ سانى ازايىپ، ايەل دارىگەرلەردىڭ جۇمىسقا شىقپايتىنىن ەسكەرە وتىرىپ، اۋعان ايەلدەرى دارىگەرلەردىڭ كومەگىنە جۇگىنبەۋگە تىرىسادى»، - دەپ ەسكەرتتى ول.

ونىڭ ايتۋىنشا، ددسۇ سەرىكتەستەرمەن جۇمىس ىستەۋگە جانە قىزدار مەن ايەلدەردىڭ دەنساۋلىق ساقتاۋ سالاسىندا ءبىلىم الۋىنا، سونداي- اق ايەلدەر اراسىنان دارىگەرلەردى وقىتۋعا قاراجات سالۋعا دايىن. د د س ۇ مالىمەتتەرى بويىنشا، 15-تامىزدا «تاليبانعا» بيلىك وتكەنگە دەيىن اۋعانستاننىڭ 2,2 ميلليون تۇرعىنى COVID-19 ۆاكتسيناسىن العان. «سوڭعى اپتالاردا حالىقتى ۆاكسيناتسيالاۋ قارقىنى كۇرت تومەندەدى. ۆاكتسينانىڭ 1,8 ميلليون دوزاسى پايدالانىلماي قالدى»، - دەدى دوكتور تەدروس.

ول جاعدايدى وزگەرتۋ ءۇشىن شۇعىل شارالار قابىلداۋعا جانە جىل سوڭىنا دەيىن اۋعانستان تۇرعىندارىنىڭ كەم دەگەندە 20 پايىزىن كوروناۆيرۋس ينفەكسياسىنا قارسى ۆاكسينالاۋعا شاقىردى.



#الةم  
:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات